BE po shqyrton krijimin e një fondi solidariteti për Ukrainën

F. Xh. 22:34, 18-03-2022

Çarlls Miçel (Charles Michel) president i Këshillit të Bashkimit Evropian

Bashkimi Evropian po shqyrton krijimin e një fondi solidariteti për Ukrainën, për të ndihmuar në ofrimin e shërbimeve bazë në vend dhe për të përmbushur nevojat imediate të qytetarëve, tha sot Presidenti i Këshillit Evropian Charles Michel, transmeton The Guardian.

“Fondi do të jepte likuiditet për mbështetje të vazhdueshme ndaj autoriteteve dhe në një afat më të gjatë do të shërbente si shtylla kurrizore për rindërtimin e një Ukrainë të lirë dhe demokratike sapo të ndalojnë armiqësitë,” tha Michel në Twitter.

The Fund would give liquidity for continued support to authorities and in longer term serve as backbone for reconstruction of a free and democratic #Ukraine once hostilities stop.

Partners could contribute to the #USF through an international donors conference.

— Charles Michel (@eucopresident) March 18, 2022

“Trimëria dhe qëndrueshmëria që po tregojnë ukrainasit është përulëse. BE do të vazhdojë të qëndrojë pranë jush përballë agresionit të Kremlinit”, tha Michel.

Building a broad #antiwar coalition.

The bravery and resilience Ukrainians are showing is humbling.

The #EU will continue to stand by you in the face of the Kremlin’s aggression.

— Charles Michel (@eucopresident) March 18, 2022

Një zyrtar i BE-së tha se krijimi i fondit do të diskutohej në një samit të liderëve të BE-së javën e ardhshme. Pushtimi rus e ka shkëputur Ukrainën nga tregjet financiare ndërkombëtare dhe fondi mund të sigurojë likuiditetin e nevojshëm për të mbajtur shërbimet qeveritare në funksion, për të vazhduar përpjekjet e mbrojtjes dhe për të ofruar shërbime bazë.

Sipas OKB-së rreth 6.5 milionë njerëz janë zhvendosur brenda Ukrainës, derisa 3.2 milionë të tjerë tashmë janë larguar nga vendi që kur presidenti rus, Vladimir Putin, urdhëroi pushtimin e Ukrainës më 24 shkurt. Veprimi i Kremlinit ka nxitur zemërim dhe është dënuar në shumë vende të botës, duke sanksionuar Rusinë në forma të ndryshme. Sot është dita e 23 që nga fillimi i agresionit rus.