LSDM dhe BDI kërkojnë seancë të jashëzakonshme në Qytetin e Shkupit, propozojnë ndihmë për familjet e viktimave të aksidentit

Qyteti i Shkupit do të ndajë dy milionë denarë për familjet e të vdekurve në Shkup në aksidentin e autobusit që ndodhi dy ditë më parë në Bullgarinë fqinje, transmeton 360 Shkallë.

LSDM dhe BDI, të cilat pas zgjedhjeve lokale iu bashkuan opozitës në Qytetin e Shkupit, dolën me kërkesë që vendimi për ndihmën financiare të merret në seancë të jashtëzakonshme dhe eventualisht të rritet shuma e planifikuar.

“Me propozim të kryetares Danela Arsovska, Këshilli i Qytetit të Shkupit në seancën e radhës do të vendoset për dhënien e ndihmës financiare në shenjë solidariteti me familjet dhe respekt për viktimat.” thanë nga Qyteti i Shkupit.

Koordinatorja e grupit të këshilltarëve të LSDM-së, Ljubica Jançeva, tha se nuk duhet të presin seancën e ardhshme por të kenë një të jashtëzakonshme, për të cilën është dorëzuar iniciativë.

“Grupi i këshilltarëve të i LSDM-së, BDI-së dhe koalicionit në Këshillin e Qytetit të Shkupit, sot kanë dorëzuar kërkesë për thirrjen e seancës urgjente të këshillit. E vetmja pikë e rendit të ditës në këtë seancë do të ishte ndihma për familjet e bashkëqytetarëve tanë që humbën jetën në aksidentin e tmerrshëm të autobusit në Bullgari. E mirëpresim propozimin për të siguruar dy milionë denarë për t’i ndihmuar familjet e viktimave, sigurisht që duhet parë mundësia që kjo shumë të rritet edhe më tej. Mirëpo, nuk duhet pritur seancën e rregullt të Këshillit, por mund të sigurohet seancë e jashtëzakonshme për të cilën sot si grup këshilltarësh paraqesim iniciativë. Shkupi është qytet i solidaritetit, qytet që i jep dorën kujtdo që ka nevojë për ndihmë. Kështu është edhe tani, pa i ndarë njerëzit sipas fesë dhe përkatësisë etnike.” tha Jançeva.

Ajo pret që iniciativa të pranohet dhe seanca të mbahet sa më parë në mënyrë që ndihma e familjeve të prekura të arrijë sa më shpejt.

Tre ditë pas aksidentit të autobusit të RMV-së në autostradën “Struma” në Bullgarinë Perëndimore, autoritetet bullgare thanë se në autobusin e aksidentuar kanë gjetur 45 trupa të pajetë, ndërkaq 7 persona janë lënduar. Autobusi ishte në drejtim të Maqedonisë së Veriut, pasi që ishte nisur nga Stambolli ku udhëtarët kishin qenë për ekskursion. Maqedonia e Veriut shpalli 3 ditë zie, ndërkaq nga të gjitha anët arrijnë telegrame ngushëllimi për familjet e viktimave.

• RMV, dita e tretë e zisë për tragjedinë me autobus në Bullgari – kryeprokurori bullgar sot vjen në Shkup
• Tragjedi në Bullgari, 45 udhëtarë të vdekur në aksidentin e autobusit me targa të Maqedonisë
• Qeveria e Maqedonisë shpalli tri ditë zie për aksidentin e autobusit në Bullgari – flamujt në gjysmë shtizë
• Janë suspenduar dy doganierë që nuk kanë evidentuar daljen e autobusit të Besa – Trans nga shteti, përgjegjësi i tyre do të sanksionohet
• Joveski: Nuk kemi informata të reja për aksidentin, bashkëpunojmë plotësisht me prokurorët bullgarë
• Shkolla “Arseni Jovkov” shpreh ngushëllime për nxënësen e tyre që vdiq në tragjedinë e autobusit
• Gjashtë hetues bullgarë dhe tre prokurorë do të punojnë për të hetuar tragjedinë e Strumës
• Besa Transit të Shkupit i merret licenca
• Autobusi ka pasur trajektore të frenimit, shoferi nuk ka fjetur, vlerësojnë ekspertët
• Copë gome, shkëndija, sinjalizimi keq: “Autopsia” e kilometrit 31
• Institucionet nuk tregojnë se si ka mundur autobusi i aksidentuar në Bullgari ta kalojë kufirin pa licencë
• Të lënduarit në aksidentin në Bullgari janë në gjendje stabile
•  Autobusi i “Besa Trans Shkup” i cili u dogj në Bullgari nuk ka pasur licencë për transport ndërkombëtar
• Autobusi i aksidentuar është larguar nga rruga, prokuroria e Bullgarisë: të lënduarit në gjendje të rëndë psiqike
•  Për shkak tragjedisë me qytetarët e Maqedonisë së Veriut, Presidentja Osmani e shpalli të mërkurën ditë zie shtetërore
• Bullgaria shpalli 24 nëntorin ditë zie
• Kompania “Besa Trans-Shkup” publikoi komunikatë në lidhje me aksidentin në Bullgari
• Zaev: Viktimat janë të moshës 25-30 vjeç, ka edhe 12 fëmijë – të mbijetuarit kanë thyer xhamat e autobusit