“Prizma”: Edhe një honorarist qeveritar në rastin ‘Rashkovski’

N. D. 13:14, 27-04-2021

I dyshuari i katërt në rastin e prokurimit të softuerit për shkelje të trafikut ishte i angazhuar honorarist nga sekretariati i përgjithshëm i Qeverisë, zbulon “Prizma” (BIRN), transmeton Portalb.mk.

Paraprakisht, “360 Gradë” raportoi se xhipi, të cilin e voziste Dragi Rashkovski është në emër të njërit prej “honoraristëve sekret” në Qeveri, i cili është i dyshuar në këtë aferë.

Me këtë përshkruhet rrethu prej katër të dyshuarve deri më tani – Rashkovski, pronari i “Inovka Group”, Daniel Stançev dhe dy persona të cilët ishin të angazhuar me honorar nga sekretariati i përgjithshëm, përderisa në krye tl tij ishte Rashkovski, raporton BIRN.

Të dyve, angazhimi honorar iu ka filluar në kohën kur në krye të Sekretarijatit ishte Dragi Rashkovski.

Pozicioni i koordinatorit për digjitalizim në nivel të RMV-së nuk ishte midis faturave që BIRN i mori nga Qeveria pasi me ankesë arriti t’i marrë titujt e angazhimeve, por jo edhe emrat e të angazhuarve. Kjo faturë, dhe një tjetër për grafik dizajn, nuk u dorëzuan në BIRN pasi, siç theksuan nga Qeveria, ato nuk ishin paguar në dhjetor.

Pas atij angazhimi fshihet një profesor, identitetin e të cilit, BIRN nuk e zbulon me qëllim që të mbrojë prezumimin e pafajësisë. Bëhet fjalë për një profesor universitar nga FINKI, i cili ishte angazhuar tre herë nga Sekretariati i përgjithshëm ndërsa me të menaxhonte Dragi Rashkovski. Hera e parë në vitin 2019.

Sipas burimeve nga hetimi, ai është i dyshuar në çështjen “Rashkovski”, në pjesën për përgatitjen e specifikimeve teknike për tender. Prokurorët dyshojnë se e ka bërë që specifikimi i tenderit të përputhej me patentën e ish-sekretarit të përgjithshëm të qeverisë. Në të njëjtën kohë, ai është i dyshuari që nuk e formatoi telefonin dhe në të cilin u gjet komunikimi me Rashkovskin me mesazhin “flit profesionalisht, bëhu budalla, nuk do të të kuptojnë“, thuhet në hetimin e BIRN-it.

BIRN kontaktonte profesorin, i cili mohonte se angazhimi në qeveri është i lidhur me hetimin e rastit Rashkovski, për të cilin ai sodoqoftë nuk pranoi të komentonte. Siç thekson BIRN, për angazhimin e tij nuk kishte pasur konkurs.

“Më thirrën prej atje”, tha për BIRN profesori dhe shtoi se sipas asaj që ishin marrë vesh, Qeverisë i kishte sjellë raporte për punën e bërë.

“Vitin e kaluar nuk kisha asnjë angazhim. Vitin e kaluar isha i angazhuar për një paketë masash që zbatohen për konsolidimin e bazave midis institucioneve të ndryshme”, tha ai në deklaratë për BIRN.

Ai theksoi se në atë periudhë nuk kishte punë, nuk kishte nevojë për raporte dhe prandaj kërkoi zgjidhjen e kontratës. Rastësi ose jo, kjo ndodhi në të njëjtën ditë, 12 prill, kur Qeveria njoftoi emrat e honoraristëve aktual, gjegjësisht katër ditë para arrestimit të Rashkovskit, thekson BIRN.

Hulumtimin e plotë mund ta lexoni këtu.

Dragi Rashkovski më 14 prill dha dorëheqje, për çka informoi publikun përmes një postimi në Facebook.

Përndryshe, pesë muaj më parë, Rashkovski u emërua sekretar për monitorimin dhe mbështetjen e institucioneve në zbatimin e programit qeveritar në kabinetin e kryeministrit – funksion i ri që u prezantua menjëherë pas largimit të tij si sekretar i përgjithshëm i qeverisë.

Pas lajmeve të botuara në media që kishin të bënin me softuerin për shkeljet në trafik të blerë nga Rashkovski, derisa ai ishte sekretar i përgjithshëm i Qeverisë, Prokuroria Themelore Publike për Krim të Organizuar dhe Korrupsion muajin e kaluar hapi para-hetim. Në atë kohë, Rashkovski ishte për pushime në Meksikë.