Zëvendës prokurori bullgar: Personat në autobus vdiqën nga asfiksia, informacionet tjera janë spekulative

Në media qarkullojnë informacione absolutisht spekulative për aksidentin e autobusit. Shfaqen dëshmitarë okularë, por në fakt nuk ka as edhe një të vetëm. Në pyetje janë marrë dy prej pasagjerëve në autobus, të cilët kanë qenë zgjuar në momentin e fatkeqësisë. Indikacionet teknike janë jashtëzakonisht objektive. Autopsitë tregojnë se të gjithë kanë vdekur nga asfiksia, kanë thithur tym, që do të thotë se kanë qenë të gjallë dhe kanë vdekur si pasojë e zjarrit, nuk ka pasur shpërthim, ka pasur vetëm djegie intensive. Kështu deklaroi zëvendëskryeprokurori Borislav Sarafov në një konferencë në lidhje me incidentin e rëndë rrugor në autostradën “Struma”, raporton BGNES, transmeton Portalb.mk.

Versioni për transportin e karburantit bie poshtë kategorikisht. Nuk ka bidona benzine, nuk ka gjetje me materiale të tjera djegëse, tha ai.

“Versioni i një akti terrorist është hetuar profesionalisht nga ne. E hedhim poshtë kategorikisht, nuk është akt terrorist”, shtoi Sarafov, duke saktësuar se puna e hetuesve presupozon që edhe ky version të hetohet.

Marrja në pyetje vazhdon, inspektimet vazhdojnë. Autobusi do të kontrollohet nga inspektorët e qarkullimit rrugor, tha zëvendësprokurori i përgjithshëm.

Ai bëri të ditur se për momentin versioni bazë dhe kryesor është ai i gabimit njerëzor.

Sa i përket versionit për shenjat joadekuate të rrugëve, sinjalistikë e keqe, organizim jo i mirë i komunikacionit, Sarafov bëri të ditur se për momentin organizimi i komunikacionit në pjesën e treguar është i organizuar keq.

Rrethoja mbrojtëse në të cilën është futur autobusi është e rrezikshme dhe ka ndikuar në aksident, tha ai.

Prokurorja Sijka Mileva tha se, gjatë marrjes në pyetje të një personi prej të mbijetuarve ka thënë se, janë shpëtuar tetë persona dhe jo shtatë. Njëkohësisht, në vendin e tragjedisë janë gjetur 44 trupa. Për këtë, hetuesit e verifikojnë versionin që të shohin nëse ka edhe një të mbijetuar dhe ku është ai. Është e mundur që ai të ketë kaluar kufirin me automjet tjetër, autobus tjetër, ajo duhet të verifikohet.

Po ashtu, kryeprokurori bullgar Ivan Geshev i shoqëruar nga një hetues sot do të vij në Shkup për të dorëzuar personalisht kërkesë për ndihmë juridike në Prokurorinë e Maqedonisë së Veriut. Prokurorët bullgarë duhet të marrin profile të ADN-së nga të afërmit e të vdekurve në aksidentin me autobus të dy ditëve më parë për identifikimin e viktimave.

“Një hetues dhe prokuror do të nisen për në Shkup. Aty kolegët tanë do të paraqesin drejtpërdrejt kërkesën tonë për ndihmë juridike dhe do të marrin profilet e ADN-së të përgatitura nga pala maqedonase. Vetëm në këtë mënyrë mund t’i identifikojmë emrat e viktimave, pastaj t’i lëshojmë trupat dhe t’ua kthejmë të afërmve”, tha Sarafov.

Ndërkohë sot është dita e tretë dhe e fundit e zisë në territorin e Maqedonisë, e cila u shpall pas aksidentit tragjik me autobus në Bullgari, ku humbën jetën 45 persona dhe 7 të tjerë mbetën të lënduar. 

Në ndërkohë, vazhdon hetimi për aksidentin e rëndë me autobus, ku humbën jetën 45 persona në autostradën “Struma” në Bullgari.

Televizioni bullgar Nova, njoftoi se gjashtë hetues nga Shërbimi Hetimor Kombëtar dhe tre prokurorë nga Prokuroria rajonale në Përnik punojnë në procedurën para hetimore.

Zëdhënësja e kryeprokurorit, Sijka Mileva siguron se sa më shpejt, hetuesit bullgarë do t’i marrin dokumentet e nevojshme nga kolegët e tyre maqedonas.

Ndërkohë shtatë të mbijetuarit qëndrojnë për trajtim në spitalin Pirogov. Gjendja e tyre është stabile Dy prej tyre iu nënshtruan një operacioni ditën e djeshme. Njëri prej tyre ka djegie më të rënda në të dyja duart. Autoritetet shëndetësore po shqyrtojnë mundësinë e transportimit në shtëpi të atyre që janë në gjendje stabile.

Lajme tjera lidhur më këtë temë:

• RMV, dita e tretë e zisë për tragjedinë me autobus në Bullgari – kryeprokurori bullgar sot vjen në Shkup
• Tragjedi në Bullgari, 45 udhëtarë të vdekur në aksidentin e autobusit me targa të Maqedonisë
• Qeveria e Maqedonisë shpalli tri ditë zie për aksidentin e autobusit në Bullgari – flamujt në gjysmë shtizë
• Janë suspenduar dy doganierë që nuk kanë evidentuar daljen e autobusit të Besa – Trans nga shteti, përgjegjësi i tyre do të sanksionohet
• Joveski: Nuk kemi informata të reja për aksidentin, bashkëpunojmë plotësisht me prokurorët bullgarë
• Shkolla “Arseni Jovkov” shpreh ngushëllime për nxënësen e tyre që vdiq në tragjedinë e autobusit
• Gjashtë hetues bullgarë dhe tre prokurorë do të punojnë për të hetuar tragjedinë e Strumës
• Besa Transit të Shkupit i merret licenca
• Autobusi ka pasur trajektore të frenimit, shoferi nuk ka fjetur, vlerësojnë ekspertët
• Copë gome, shkëndija, sinjalizimi keq: “Autopsia” e kilometrit 31
• Institucionet nuk tregojnë se si ka mundur autobusi i aksidentuar në Bullgari ta kalojë kufirin pa licencë
• Të lënduarit në aksidentin në Bullgari janë në gjendje stabile
•  Autobusi i “Besa Trans Shkup” i cili u dogj në Bullgari nuk ka pasur licencë për transport ndërkombëtar
• Autobusi i aksidentuar është larguar nga rruga, prokuroria e Bullgarisë: të lënduarit në gjendje të rëndë psiqike
•  Për shkak tragjedisë me qytetarët e Maqedonisë së Veriut, Presidentja Osmani e shpalli të mërkurën ditë zie shtetërore
• Bullgaria shpalli 24 nëntorin ditë zie
• Kompania “Besa Trans-Shkup” publikoi komunikatë në lidhje me aksidentin në Bullgari
• Zaev: Viktimat janë të moshës 25-30 vjeç, ka edhe 12 fëmijë – të mbijetuarit kanë thyer xhamat e autobusit