U publikuan bisedat e Boki 13 me Zaevin në seancën ku u përjashtua Boki 13, seanca e radhës më 10 dhjetor për rastin “Aleanca ndërkombëtare”

Më 10 dhjetor do të mbahet seanca e radhës për rastin “Aleanca ndërkombëtare”, ku i akuzuari kryesor është Bojan Jovanovski-Boki 13 dhe ish-deputetja e LSDM-së, Frosina Remenska, transmeton Portalb.mk.

Sofçe Gavrillova-Efremova është gjykatësja që e udhëheqë lëndën. Ajo sot e përjashtoi nga salla e gjykimit Boki-13.

“Për shkak të shkeljes së rendit në sallën e gjykimit dhe ofendim dhe mosrespektim të gjykimit, i akuzuari Bojan Jovanovski përjashtohet nga salla e gjykimit”, vendosi gjykatësja Gavrillova – Efremova, raportoi MIA, pasi ai e vlerësoi gjykatësen si ‘servile’.

Raportohet se në seancën e sotme u prezantuan bisedat e Boki 13 në “WhatsApp” me kryeministrin Zoran Zaev dhe persona të tjerë, duke u konsultuar për një takim të mundshëm.

Ndryshe, Boki 13 sot në seancat e mëparshme ka kërkuar që të ndryshohet gjykatësja e rastit, Sofçe Gavrilova Efremovska, me arsyen se kjo gjykatëse ishte pjesë e Trupit gjykues në rastin “Reket”, ku ishte i akuzuar-dënuar pikërisht Boki 13, për keqpërdorimet në punën e Prokurorisë speciale publike (PSP).

Rasti “Reket” është zgjeruar në “Reket 2”. Sipas Prokurorisë, të akuzuarit i kanë mashtruar biznesmenët Siljan Miceski dhe Ardian Amzoski se do të marrin pjesë në projekt përmes “Aleancës ndërkombëtare” të Bojan Jovanovskit – Boki 13 dhe i kanë dëmtuar me miliona euro. Në këtë rast akuzohet edhe Frosina Remenski, Mile Jovanovski-babai i Boki 13, Jasna Mandiq dhe Kristina Bllazhevska.

Themeluesi i organizatës joqeveritare “Aleanca Ndërkombëtare”, Bojan Jovanovski- Boki 13 është dënuar me nëntë vite burgim me aktgjykim që nuk është i plotfuqishëm për rastin “Reket”, ku është i akuzuar për “pranimin e çmimit për ndikim të kundërligjshëm” dhe për “larje parash” së bashku me PSP Katica Janeva e cila mori dënim me burg prej shtatë vitesh për “keqpërdorimin e pozitës zyrtare dhe autorizimit”

Ndryshe, Bojan Jovanovski nga fundi i muajit tetor do të dërgohet në shtëpi për të vuajtur masën e paraburgimit shtëpiak, ky vendim është marrë nga Gjykata e Apelit pasi që paraprakisht Boki ishte hospitalizuar në spitalin “Naum Ohridski” në Shkup për shkak të komplikimeve pas një operacioni që kishte pasur paraprakisht.

Boki është i akuzuar edhe në lëndën “Bashkimi Ndërkombëtarë” ku akuzohet për mashtrim dhe larje të parave. Në paraburgim ai ndodhet nga data 15 korrik, ku u burgos në pikën kufitare “Bogorodica” në Greqi.

• LEXO: RMV, Boki 13-të kërkoi ndryshimin e gjykatëses në rastin “Aleanca ndërkombëtare”
• LEXO: Boki 13 është liruar nga paraburgimi, ju shqiptua masa e paraburgimit shtëpiak
• LEXO: Remenski me regjistrime video do ta kontestojë bastisjen në shtëpinë e saj për lëndën “Lidhja ndërkombëtare”
• LEXO: Ruskoska për “Reket 2”: Paratë kanë përfunduar te shtëpia e prindërve të Boki 13 “Reket 2”
• LEXO: Është shtyrë seanca e parë për rastin “Zhvatja 2”, Remenski dhe Boki 13 nuk e duan Ruskovskën
• LEXO: Boki 13, Frosina Remenski, Jasna Mandiq … ulen në bankën e të akuzuarve 
• LEXO: Rasti “Reket 2”, deputetja Frosina Remenski: Nuk pash dëshmi kundër mua
• LEXO: Deputetja Frosina Remenski ishte në Prokurori për t’i parë dëshmitë kundër saj në rastin “Reket 2’
• LEXO: Prokuroria e hapi procedurën parahetimore për “Reket 2”
• LEXO: Rasti “Reket”, Boki 13 u dënua me 9 vjet burg, Katica Janeva me 7 vjet
• LEXO: Boki 13 dorëzoi kallëzime penale për 30-të qytetarë