RMV, po përgatitet Ligji i ri për tekste shkollore, MASh fton qytetarët të përfshihen në proces

Ministria e Arsimit dhe Shkencës (MASh) njofton se së bashku me Shërbimin Pedagogjik inicojnë   proces për përpilimin  e ligjit të  ri për tekstet shkollore për arsimin fillor dhe të mesëm. Kjo sipas tyre bëhet me qëllim të ngritjes së cilësisë së përmbajtjes së teksteve shkollore si dhe përmirësimit të procesit të blerjes dhe miratimit të teksteve në arsimin fillor dhe të mesëm, transmeton Portalb.mk.

“Duke respektuar parimet e transparencës dhe krijimit inkluziv  të politikave dhe zgjidhjeve ligjore, MASH dhe Shërbimi Pedagogjik ftojnë të gjithë të interesuarit të shqyrtojnë zgjidhjen ligjore ekzistuese të publikuar në linkun në vazhdim, i cili  është bazë për hartimin e një ligji të ri dhe të japin sugjerime dhe propozime në adresën elektronike [email protected], më së voni deri më datë  28.02.2023”, informojnë nga MASh.

Nga atje shtuan se çdo propozim konstruktiv do të jetë lëndë  diskutimi  nga një grup i veçantë pune i formuar për këtë qëllim, pas së cilës, pasi të jetë krijuar draft versioni i zgjidhjes së re ligjore, do t’i përcillet Qeverisë dhe më pas Kuvendit për debat përfundimtar dhe miratim  përfundimtar.

Përndryshe, Ministria e Arsimit dhe Shkencës deri më 25 janar do të pranojë aplikime në Thirrjen për shprehjen e interesit për pjesëmarrje në komisionin për dhënien e mendimit për propozimet e dorëzuara për ndryshime në tekstin shkollor për historinë e klasë së pestë, në të cilin thuhet se vendi ynë kufizohet me Shqipërinë në lindje dhe me Bullgarinë në perëndim. Përveç kësaj, libri thotë thotë se mali Everest është pika më e lartë në tokë në një lartësi të pabesueshme 29,035 metra mbi nivelin e detit, dhe pika më e ulët është Deti i Vdekur i cili është “më shumë se 1,400 metra nën nivelin e detit”. Përveç kësaj, ka shumë gabime gjuhësore dhe drejtshkrimore, një shembull i të cilave është fjalia “Australia është kontinenti më i vogël dhe është i vetmi në botë që përbëhet nga vetëm një vend”.

• LEXO: Korrigjimi i librit të klasës së pestë, Ministria deri më 25 janar do të pranojë të interesuarit për Komision
• LEXO: MASH: Do formohet komision për korrigjim ose përgatitje të librit të ri shkollor Histori dhe Shoqëri për klasën e pestë
• LEXO: Ministria për librin me gabime në klasën e pestë: Autorët dhe recensentët gabimet duhej t’i kapërcenin me Komisionin
• LEXO: Shaqiri: Nëse libri i Historisë dhe Shoqërisë ka më shumë se 30% gabime, do ta tërheqim
• LEXO: Shaqiri: Deri në gjysmëvjetorin e dytë do të ketë zgjidhje për librin e Historisë dhe shoqërisë për klasë të pestë
• LEXO: Ministria reagoi pas publikimit të gabimit te libri i klasës së pestë
• LEXO: Sipas librit të ri të Historisë së klasës së pestë, Maqedonia kufizohet me Shqipërinë në lindje dhe me Bullgarinë në perëndim