Presidenti i Këshillit Evropian: Luftë e bazuar në gënjeshtra të neveritshme
Presidenti i Këshillit Evropian, Charles Michel, e ka cilësuar “brutal” dhe të bazuar në “gënjeshtra të neveritshme” pushtimin rus në Ukrainë, transmeton REL.
Ai ka paralajmëruar se ligji ndërkombëtar është duke u sulmuar dhe i ka përshkruar veprimet e Moskës si “terrorizëm gjeopolitik”.
Sa i përket aplikimit të Ukrainës për t’u anëtarësuar në Bashkimin Evropian, ai e ka përshkruar këtë proces si sfidues.
“Do të jetë e vështirë, ne e dimë se ka qëndrime të ndryshme në Evropë”.
Megjithatë, kërkesën e Ukrainës e ka cilësuar si “legjitime” dhe “simbolike”.
