Ministri Tupançevski paralajmëroi lehtësim të nxjerrjes së certifikatave të lindjes, kurorëzimit dhe vdekjes
Ministri i Drejtësisë, Nikolla Tupançevski sot deklaroi se ka pasur takim me drejtorin e Drejtorisë për Menaxhim me Librat Amë (DMLA), Bujar Dardhishta, me të cilin ka diskutuar që në mënyrë sistematike të lehtësohet dhënia e certifikatave të lindjes, kurorëzimit dhe vdekjes, njofton Portalb.mk.
“Nuk duhet të jeni kushedi çfarë analisti që ta caktoni defektin, anomalinë në atë institucion. Bisedova me drejtorin, vendosëm afate se kur duhet që të kryhen ndryshimet. Për mua është e pakuptueshme që të mos keni ku të telefononi që të merrni informata. Fillojmë me realizim, figurativisht të dukemi si në botën perëndimore, me kuptimin e vërtetë të fjalës. Kjo nuk është që nuk mund të bëhet, ekzistojnë kompetente që duhet të realizohen”, tha Tupançevski në “Utrinski Brifing”.
Përndryshe, Portalb.mk, ka bërë një serial me storje që kanë të bëjnë me punën e DMLA-së, gjegjësisht problemet me të cilat përballen qytetarët në marrjen e dokumenteve siç janë certifikata e lindjes dhe kurorëzimit. Për punën e DMLA-së, kritika ka pasur edhe Enti Shtetëror i Revizionit.
Në fund të tetorit të vitit të kaluar Drejtoria për Menaxhim me Librat Amë (DMLA), informoi se kishte miratuar vendim që të mos kërkojë certifikata nga Libri Amë i të Lindurve jo më të vjetra se gjashtë muaj, pasi që Portalb.mk, paraprakisht publikoi hulumtimin në të cilin qytetarët ankoheshin dhe vetë Drejtoria konfirmoi se u janë kërkuar certifikata jo më të vjetra se gjashtë muaj. Me vendimin e ri, qytetarët që duan të kurorëzohen, DMLA më nuk do t’i obligojë ata që të nxjerrin certifikata të reja por ofiçari do t’i kontrollojë të dhënat e certifikatave që veçmë i kanë. Në rast se qytetarët fare nuk kanë certifikata, ata do të kurorëzohen vetëm me dokument identifikimi, ndërkaq ofiçari do t’ua nxjerrë certifikatat.
Storjet e Portalbit në lidhje me këtë çështje, mund t’i lexoni më poshtë:
- LEXO: Nuk do të kërkohen më certifikatat e lindjes jo më të vjetra se 6 muaj, DMLA e shpalli vendimin pas hulumtimit të Portalbit
- LEXO: Është e paligjshme që t’u kërkohet qytetarëve të RMV-së të paguajnë për certifikata të reja jo më të vjetra se gjashtë muaj
- LEXO: Digjitalizimi në RMV, ka disa hapa që duhet të ndërmarrin qytetarët për të fituar certifikatë elektronike
- LEXO: RMV, certifikata elektronike e lindjes “nyjë gordiane” për institucionet arsimore, noterët dhe bankat
- LEXO: Shkup, mungesa e shërbimeve digjitale, prindërit enden sporteleve për t’i regjistruar foshnjat
- LEXO: Regjistrimin e foshnjave në Shkup sërish duhet ta bëjnë prindërit, spitalet nuk e japin më këtë shërbim
- LEXO: RMV, pritje dhe endje: Rruga e dy të rinjve deri në marrjen e certifikatës së kurorëzimit
- PJESA I: Hulumtim: Qytetarët enden nëpër sportele, RMV 10 vite mbrapa Evropës në fushën e digjitalizimit
- PJESA II: Portali i RMV-së për shërbime elektronike gjysmë-funksional, qytetarët kanë pajisje por nuk marrin informata
- PJESA III: “Nuk na duhet nënshtetësia, kemi letërnjoftim”, shërbimet elektronike mund t’i heqin nga përdorimi një sërë dokumentesh
