Mbaroi procesi i regjistrimit të popullsisë në Maqedoninë Veriut, Enti i publikoi rezultatet e fundit

Enti Shtetëror i Statistikave në Maqedoninë e Veriut sot zyrtarisht mbaroi procesin e regjistrimit të popullsisë, proces i cili filloi më 5 shtator, transmeton Portalb.mk. Në komunikimin për media, Enti sqaroi që janë regjistruar 1 832 696 banorë, 204 850 nga diaspora dhe 837 255 banesa.

“Sot e shpallim të përfunduar procesin e regjistrimit. Është regjistimi që u përgatit shumë gjatë, që u dha shumë mund në Entin e Statistikave, se si rrjedhojë sot kemi momentin ma të gëzuar në Republikën e Maqedonisë së Veriut”, njoftuan drejtori dhe zëvendësdrejtori i Entit Shtetëror të Statistikave, Apostoll Simovski dhe Imi Selami në konferencën për media të organizuar në mbrëmje.

Deri në fund të vitit, jo më vonë se janari 2022, të dhënat duhet të publikohen.

Regjistrimi i fundit në Maqedoninë e Veriut është realizuar në vitin 2002. Dhjetë vjet më vonë apo në vitin 2011, ai nuk u mbajt për shkak të përplasjeve mes partive politike shqiptare dhe maqedonase, mbi mënyrën e realizimit, përkatësisht për përfshirjen ose jo të qytetarëve që janë jetojnë përkohësisht jashtë vendin, e që shumica prej tyre janë shqiptarë. Ishin shpenzuar dy milionë euro, ndërsa pati edhe një procedurë parahetimore kundër dy drejtuesve të koalicionit të atëhershëm qeveritar, Nikolla Gruevskit dhe Ali Ahmetit për ndërprerjen e regjistrimit, por kjo procedurë ka përfunduar pa epilog gjyqësor.

• LEXO: RMV, ata që nuk janë regjistruar mund të regjistrohen në vende të caktuara në komunën e tyre
• LEXO: Enti duhet të punojë 24 orë për regjistrimin e të gjithëve, vlerësoi opozita shqiptare duke kërkuar 10 ditë shtesë
• LEXO: Hakerët pengojnë regjistrimin e popullsisë të Maqedonisë së Veriut, pesë ditët shkuan dëm
• LEXO: Regjistrimi fillon nesër, rezultatet më së voni në janar 2022, tha drejtori i ESSH-së Smovski
• LEXO: Arsovski: Gjithçka është gati për fillimin e regjistrimit
• LEXO: Qeveria e RMV-së kërkon që të punësuarit e përkohshëm në administratën publike të vihen në dispozicion të regjistrimit
• LEXO: Simovski: Nuk ekziston mundësi për shtyrjen e regjistrimit të popullsisë – interesim i ulët për regjistrues
• LEXO: RMV, një problem tjetër po shfaqet në procesin e regjistrimit, veçanërisht në vendbanimet shqiptare, alarmoi Enti i Statistikave
• LEXO: Arsovski: Përgatitjet për regjistrimin në terren në shtator vazhdojnë me tempo të përforcuar