Tre muaj pas vendimit qeveritar, “Elem Turs” ende në procedurë të ndarjes nga Elektranat e RMV-së, zvarritet edhe privatizimi
Edhe pse kanë kaluar dy muaj nga kur Qeveria e RMV-së solli vendim për ndarjen e Elem Turs nga shoqëria aksionare “Elektranat e RMV-së”, kjo punë ende nuk është finalizuar me çka edhe procedura e privatizimit të pjesshëm të Kodrës së Diellit ka ngecur. Nga Qeveria e RMV-së për Portalb.mk theksuan se janë në kontakt me të gjitha institucionet kompetente për privatizimin e Kodrës së Diellit, shkruan Portalb.mk.
Hapi i ndarjes së “Elem Turs” nga Eletranat e RMV-së u cilësuar nga shoqëria civile si një hap i mirë kundrejt “çlirimit” të qendrës turistike, Kodra e Diellit. Megjithatë, procedura për këtë lë për të dëshiruar.
Nga Qeveria e Maqedonisë së Veriut për Portalb.mk konfirmuar se ende janë në fazën e ndarjes së Elem Tursit si dhe shqyrtohen kushtet më të volitshme për realizimin e këtij vendimi qeveritar.
“Për momentin është duke u realizuar faza e ndarjes së ndërmarrjes Elem Turs nga shoqëria aksionare Elektranat e RMV-së dhe shqyrtohen kushtet më të volitshme në realizimin e këtij vendimi” deklaruan nga Qeveria e RMV-së.
Nuk ka përparim as procedura për gjetjen e partnerit privat për Kodrën e Diellit, pasi paraprakisht ishte vendosur që kjo qendër turistike të jepet në partneritet publiko privat.
“Ndërsa njëkohësisht Qeveria e RMV-së në komunikim me ministrinë e Ekonomisë dhe institucionet tjera është duke shqyrtuar mundësinë e realizimit të partneritet publiko-privat” shtuan nga Qeveria e RMV-së.
Vendimi i lartpërmendur për ndarjen e Elem Tursit nga ombrella e Elektranave të RMV-së nga iniciativa “Ta Shpëtojmë Kodrën e Diellit” u konsiderua si hap i ngadaltë por i sigurt për çlirimin e Kodrës së Diellit.
“Resorti Turistik “Kodra e Diellit” dalëngadalë po çlirohet. Sapo informoi institucioni bartës i grupit punues (Ministria e Ekonomisë) se kërkesa e cila u kërkua nga të gjithë përfaqësuesit në mbledhjen e parë të grupit punues , që “Elem Turs” të ndahet nga ESM – Maqedoni, ky propozim u miratua ne mbledhjen e sotme të datës 09.03.2021 dhe tani vazhdojnë procedurat në vijim për kompletimin e procedurës ligjore” shkruajnë nga Iniciativa “Ta Shpëtojmë Kodrën e Diellit” me datë 9 mars.
Nuk është efektiv as “Komisioni për Kodrën e Diellit”, është formuar në shkurt ndërsa ka realizuar vetëm një takim
Komisioni për Kodrën e Diellit i themeluar nga ministria e Ekonomisë deri tani ka zhvilluar vetëm një takim edhe pse ka 3 muaj nga kur është themeluar si dhe premtohet me muaj nga ministri Kreshnik Bekteshi.
Ende nuk është materializuar 100% asnjë prej pikave të marrëveshjes të takimit të parë të Komisionit për Kodrën e Diellit i cili është i përbërë nga disa institucione përkatëse.
Ky komision përbëhet nga përfaqësues të iniciativës “Ta shpëtojmë Kodrën e Diellit”, drejtori i “Elem Turs”, Adem Avziu, nga Ministria e Ekologjisë, Hisen Xhemaili, nga Komuna e Tetovës, Drita Abdiu Halili, nga Ministria e Bujqësisë, Dritan Ramadani dhe Shauket Hazari nga Agjencioni për Zhvillim të Turizmit, Aleksandar Gjeorgjievski dhe nga Ministria e Ekonomisë, Bekim Haxhiu, Xhevat Daipi dhe Arlinda Kasapi filloi me punë dje.
Ndryshe, në seancën e 51 të Qeverisë së Maqedonisë së Veriut është vendosur që kompania e cila menaxhon me Kodrën e Diellit, “Elem Turs” e që aktualisht funksionon nën “AD ESM” të ndahet dhe të funksionoje si e pavarur. Gjithashtu është vendosur që “Kodra e Diellit” të shkoje me modelin publiko-privat dhe që të bëhet shpallja për personat juridik të interesuar.
- LEXO: ELEM do ta ndërtojë teleferikun me gjashtë ulëse në Kodrën e Diellit
- LEXO: S’ka vullnet për vënien në funksion të teleferikut “Tetovë-Kodra e Diellit”, autoritetet fajësojnë pandeminë
- LEXO: Bekteshi tha se do të kërkojë llogari për mosvënie në funksion të teleferikut gjashtëulës në Kodrën e Diellit
- LEXO: “Gjashtëulësja në KD” – Të gjithë u krenuan kur “u bë”, askush s’mban përgjegjësi sot që nuk funksionon
- LEXO: Zaev: Investitorë nga Katari interesohen për Kodrën e Diellit, s’duam të heqim dorë nga kjo qendër turistike
- LEXO: RMV, Gjashtëulësja në KD – Drejtori i kësaj qendre sërish premtoi funksionalizimin e saj
- LEXO: Gostivari, Mavrova dhe Kodra e Diellit bëhen MIP Qendra për zhvillim turistik
- LEXO: RMV, teleferiku me gjashtëulëse në Kodrën e Diellit nuk do të funksionojë, sezoni është hapur sot
- LEXO: Nesër hapet sezoni i skijimit në Kodrën e Diellit, këto janë çmimet për këtë sezon
- LEXO: RMV, Qeveria thotë se kompani evropiane interesohen për Kodrën e Diellit (VIDEO)
- LEXO: Dimri pa turistë në Maqedoninë e Veriut, deri më 15 dhjetor mund të shfrytëzohen kartelat e Qeverisë prej 6 mijë denarë
- LEXO: I pashmangshëm dështimi i sezonit, Kodra e Diellit afër privatizimit
- LEXO: Zaev: Pritet investime në Kodrën e Diellit dhe në objektet turistike në Strugë
- LEXO: Në kodër të diellit, në mes të fushatës për ta bërë Malin Sharr park nacional, po ndërtohen 80 objekte të paligjshme
- LEXO: “Ta shpëtojmë Kodrën e Diellit”: Në tokë ndërtimore ilegalisht ndërtohen 80 objekte
- LEXO: Disa parti u betuan për Kodrën e Diellit, koalicioni “Mundemi” dhe VMRO nuk ishin prezent
