Mëngjes në urë, prej nesër urat do të jenë të mbyllura për qarkullim

Qyteti i Shkupit për të katërtën herë, në bashkëpunim me Shkollën e mesme hotelierike të Qytetit të Shkupit “Llazar Tanev”, organizojnë manifestimin “Mëngjes në urë” i cili do të mbahet te Ura e Gurit dhe ura Syri, ditën e dielë (22.09.2013) nga ora 09 deri 11:00.

Regjistrimi ka përfundur ditë më parë. Ndërsa qytetarët kanë shprehur interes mjaftë të madh për tu bashkëngjitur.

Me qëllim që organizimi i kësaj ngjarje të jetë më i mire, më 21.09.2013, prej në ora 18:00 deri të nesërmen më datë 22.09.2013 në ora 13:00, dy urat do të jetë tërësisht të mbyllura për qytetarët e qytetit të Shkupit. 

Të dielën, qytetarët të cilët janë paraqitur për këtë manifestim, me vete duhet ta kenë biletën falas me dokumentin për identifikim.

Hyrja për në këtë Manifestim dhe në dy urat do të jetë vetëm nga ana e sheshit Maqedonia.
Qyteti i Shkupit, nga Buxheti sivjetë ka ndarë 450 000 denarë për realizimin e këtij projekti, por gjithashtu manifestimi është ndihmuar nga shumë donatorë, restorante, furra, hiper markete, si dhe prodhues të ushqimeve dhe pijeve, të cilët tradicionalisht dhurojnë prodhime të veta për këtë ngjarje.