Gerasimovski: Duhen shumë para për t’u përballur me ndërtimet pa leje
Për dy objekte që janë planifikuar të largohen në muajin e fundit na nevojiten rreth 5 milionë denarë që të pamundësojmë të jenë funksional. E për të hequr të gjitha objektet nevojiten disa herë më shumë mjete, thotë kryetari i Komunës Qendër, Goran Gerasimovski në një intervistë për REL në gjuhën maqedonase, transmeton Portalb.mk.
“Kemi një problem me disa ndërtime pa leje që po ndërtohen në tokë shtetërore, në brez të gjelbër. Edhe pse është vepruar tërësisht nga ne si bashki, janë vendosur shirita të verdhë, janë shqiptuar penalitete për heqjen dhe shembjen e një objekti të egër, jemi përballur me burime të mëdha financiare që duhet t’i përdorim për heqjen e tyre. Për dy objekte që janë planifikuar të largohen në muajin e fundit na nevojiten rreth 5 milionë denarë që të mos funksionojnë. Jemi duke u përballur me një problem sepse do të shemben disa shtylla të objektit, nuk është funksionale, por në të jetojnë të pastrehë, duke krijuar probleme shtesë në mjedis dhe për të hequr të gjithë objektin duhen disa herë më shumë mjete dhe është problem i madh për komunën dhe buxhetin komunal”, thotë Gerasimovski.
Ndryshem deri më tani në vend janë legalizuar 296 810 objekte të ndërtuara pa leje dhe për to janë dhënë vendime me dokumentacion që përfshinte kërkesën nga komuna, përgatitjen e raportit gjeodezik dhe vërtetimin e faturave të paguara komunale. Ligji i ri për legalizim ka kohë që është në procedurë në Kuvend.
Legalizimi i ndërtimeve pa leje në vend u mundësua për herë të parë me Ligjin për trajtimin e ndërtimeve pa leje nga viti 2011. Ligji dhe afati i paraqitjes së kërkesave për legalizim kanë pësuar disa herë ndryshime dhe me të fundit në vitin 2021, u mundësua zbatimi i tij edhe për pesë vite të tjera për të proceduar çështjet për rreth 140 mijë kërkesa, të cilat për arsye të ndryshme ngeci. Njëkohësisht me ato ndryshime, me propozim të Ministrisë së Transportit dhe Lidhjeve, në Kuvend u paraqit një ligj i ri legalizimi, i cili do të mbulonte ndërtimet pa leje të ndërtuara deri në janar 2021, por me pagesën e gjobave ndëshkuese. Sipas vlerësimeve fillestare, ai do të mbulonte mbi 50 mijë kërkesa, por numri përfundimtar do të dihet nëse eventualisht votohet dhe hapet mundësia për paraqitjen e kërkesave.
