Besimtarët katolikë në të gjithë botën sot festojnë Pashkët

Pashkët janë kremtimi më i madh i kalendarit liturgjik të Kishës Katolike Romake dhe të kishave të tjera të krishtera që kremtojnë Ringjalljen e Jezusit, sipas Besëlidhjes së Re, tre ditë pas vdekjes së tij në kryq.

Kjo festë është e lëvizshme, që do të thotë se nuk ndodh në të njëjtën datë çdo vit. Pashka llogaritet në bazë të fazave të hënës dhe ardhjes së pranverës, transmeton TV21.

Në praktikë, kjo do të thotë që Pashkët janë gjithmonë të dielën e parë pas hënës së parë të plotë që bie më ose pas 21 marsit. Pashkët mund të shfaqen që në fillim të 22 marsit dhe deri më 25 prill, varësisht se kur ndodh hëna e plotë e Pashkës.