Më 31 mars nuk ka pasur grabitje të armatosur në afërsi të qendrës tregtare “Skopjanka”
Lajmi për grabitjen që dyshohet se ka ndodhur të premten e kaluar në afërsi të qendrës tregtare “Skopjanka” është bazuar në dëshminë dhe foton e një dëshmitari okular të paidentifikuar, lexues i portalit që ka publikuar lajmin. Por shpejt doli se informacioni ishte i gabuar, se nuk kishte asnjë grabitje të armatosur në qendrën tregtare “Skopjanka”. Ministria e Punëve të Brendshme në atë ditë po kryente veprime hetimore që nuk kishin lidhje me grabitje në vendin e treguar, shkruan Vërtetmatësi.
Më 31 mars, një numër i madh i mediumeve raportuan se në lagjen Aerodrom afër qendrës tregtare “Skopjanka” ka ndodhur një grabitje me armë. Të gjitha raportet pretendonin se grabitja e armatosur ndodhi në lokacionin Porta Aerodrom përballë qendrës tregtare “Skopjanka” dhe se sulmuesit dyshohet se ishin të maskuar dhe të armatosur.
Më pas dezinformata është transmetuar edhe në postimet në rrjetin social Facebook, si këtu, këtu, këtu dhe këtu.
Në të njëjtën ditë disa orë më parë ka pasur edhe ngjarje të tjera penale juridike me interes të lartë, si vrasja në një kazino në Karposh me armë automatike, kështu që lajmi për një grabitje të armatosur afër qendrës tregtare “Skopjanka” në lagjen Aerodrom është përjetuar në mënyrë më dramatike nga një publik tashmë në ankth.
Lajmi i parë i publikuar është bazuar në dëshminë dhe foton e një lexuesi okular të paidentifikuar të portalit dhe është vendosur me titullin:
LAJMI I FUNDIT: NJË GRABITJE E MADHE PO NDODH AFËR “SKOPJANKËS” – sulmuesit janë të veshur me maska kirurgjikale.
Por ky informacion nuk ishte i saktë.
MPB-ja ka treguar për Vërtetmatësin se nuk është e vërtetë se në datën e shënuar ka pasur grabitje të armatosur në qendrën tregtare “Skopjanka”. Është e vërtetë që policia ka kryer aktivitete në atë vend, por këto kanë qenë aktivitete që janë hetimore dhe nuk mund të ndahen me publikun në këtë fazë, por definitivisht nuk ka pasur maska kirurgjikale dhe asnjë grabitje.
Pavarësisht se lokacioni është në Shkup në një vend të dukshëm, gjë që e bën informacionin jashtëzakonisht të verifikueshëm. Përveç kësaj, MPB-ja ka dhjetëra persona të ngarkuar për komunikim me mediat, ndaj informacioni dhe fotografia mund të kontrolloheshin lehtësisht, por në rastin konkret nuk është bërë.
Kur u zbulua se nuk bëhej fjalë për një grabitje të armatosur në “Skopjanka”, disa nga mediat e fshinë postimin, disa azhurnuan versionin origjinal, por kishte edhe një mënyrë të çuditshme për të injoruar korrigjimin me shkrime të reja me tituj se “Nuk ka pasur grabitje në Skopjanka, por kishte në Butel”.
Për shkak të të gjitha fakteve të mësipërme, ne e vlerësojmë postimin që po shqyrtojmë si të pavërtetë. Nuk është e vërtetë se më 31 mars 2023 ka ndodhur një grabitje me armë në Skopjanka. Në vendin e treguar nga ana e MPB-së janë kryer veprime hetimore që nuk kanë të bëjnë me grabitje.
