Qeveria e Maqedonisë së Veriut e shqyrtoi raportin e konkursit në M-NAV

F1 C 18:40, 15-11-2022

Në seancën e 102-të të Qeverisë së Maqedonisë së Veriut, u shqyrtua Raporti i M-NAV për procesin e përzgjedhjes dhe trajnimit të kandidatëve për kontrollues të fluturimeve, është një nga pikat e rendit të ditës në seancën e 102-të të Qeverisë së Maqedonisë së Veriut, transmeton Portalb.mk.

“Nga ana e përfaqësuesve në SH.A. M-NAV Shkup u informua se procedurat janë realizuar në përputhje me procedurat ligjore të konfirmuara, se përzgjedhja e kandidatëve, të cilët janë edhe të punësuar në M-NAV, kanë kaluar testin e përzgjedhjes sipas standardeve ndërkombëtare”, sqarojnë nga Qeveria.

Ata theksojnë që me me kalimin e testit, mund të konkurrojnë për punë edhe në çdo shtet të huaj.

“Për tetë të cilët janë furnizuar edhe me vërtetim të mjekut, i është dhënë udhëzim për punësim dhe udhëtimin e tyre për shkollim”, theksojnë nga Qeveria.

Ndryshe, Bordi Drejtues i M-NAV Shkup më 11 nëntor ka miratuar vendim që ta pranojë zgjedhjen e kandidatëve për trajnim për kontrollues të fluturimit, të propozuar nga Komisioni për Zgjedhje dhe Seleksionim të Kandidatëve dhe të japë udhëzime për punësimin e tyre në kohë të caktuar dhe dërgim në shkollim. Ata e kanë obliguar Komisionin që ta njoftojnë operatorin ekonomik për vendimin dhe të kërkojnë raportim për datën e fillimit të trajnimit.

Vendimi i këtillë erdhi pasi Sindikata e Kontrolluesve të Fluturimit akuzuan se tre drejtorë të “M-NAV” dhe drejtorë në Agjencinë Fahrudin Hamidi, Migjen Selmani dhe Vllatko Kërstevski, dëshirojnë ta anulojnë shpalljen për kontrollorë të fluturimit, pasi që prej 270 të paraqiturve, testin e kanë kaluar 8 kandidatë, në mesin e të cilëve nuk janë “personat e tyre”, e as fëmijët e paraqitur të funksionarëve nga BDI.

Në këtë konkurs kërkohen kushte strikte, duke e pasur parasysh dhe natyrën e punës.

Megjithatë, në mesin disa kritereve që duhet t’i përmbushin kandidatët është edhe kalimi i testimit FEAST, sipas kritereve të Eurocotrol, i cili përbëhet prej disa testeve apo shkallëve dhe ndihmon ofruesit e shërbimeve të navigacionit ajro (ANSP) t’i identifikojnë kandidatët më të përshtatshëm për të kontrolluar trafikun ajror.

Testimin FEAST e përdorin vendet e Bashkimit Evropian dhe Shteteve të Bashkuara të Amerikës.

Parimi i testimi është që secili kandidat t’u nënshtrohet të njëjtave kushte dhe të gjithë të trajtohen në mënyrë të barabartë.

Për këtë, MNAV, ka angazhuar një operator nga Danimarka – “Gate Aviation Training’ që ta zbatojë këtë testim.

Testi FEAST përbëhet nga: FEAST I, i përbërë nga një grup testesh të aftësive njohëse dhe një test i gjuhës angleze, dhe FEAST II, me dy teste më komplekse me shumë detyra që në përgjithësi pasojnë përfundimin me sukses të FEAST I. Përveç kësaj, në FEAST III, ka një pyetësor personaliteti i disponueshëm dhe përdoret nga shumë organizatat përdoruese të FEAST testimit.

Sipas Sindikatës, shumica e kandidatëve të paraqitur në këtë konkurs nuk e kanë kaluar as shkallën e parë të këtij testi.

Detaje për testimin FEAST mund të gjeni: KËTU.