SASHK filloi sot grevën në çerdhe dhe shkolla
Sindikata e Pavarur për Arsim, Shkencë dhe Kulturë (SASHK) sot filloi grevën në çerdhe, shkollat fillore dhe të mesme. Kryetari i Sindikatës së Arsimit, Shkencës dhe Kulturës (SASHK) Jakim Nedelkov dje njoftoi se mësimdhënësit që janë në grevë nga nesër do të qëndrojnë në hapësira të përbashkëta të dakorduara me drejtorët e shkollave dhe kopshteve dhe nuk do të kryejnë aktivitet edukativo-arsimor, ndërsa përgjegjësi e drejtorëve është që të organizojnë pritjen e fëmijëve që do të vijnë përfundimisht në shkolla, transmeton Portalb.mk.
“Greva do të zgjasë derisa të gjendet një zgjidhje e pranueshme reciprokisht. Prandaj i bëj thirrje Qeverisë që sa më parë të na thërrasë për bisedime dhe sa më shpejt të gjejmë një zgjidhje të pranueshme reciproke dhe të fillojmë mësimin e rregullt. Përndryshe, e gjithë përgjegjësia se pse nxënësir nuk kanë një të drejtë elementare të garantuar për arsim do të bie mbi ministritë dhe Qeverinë”, tha Nedellkov.
Nedelkov theksoi se SASHK nuk do t’i mbyllë shkollat dhe çerdhet, por askush nuk ka të drejtë t’i detyrojë të punësuarit të pranojnë fëmijët gjatë grevës dhe i bëri thirrje qeverisë që sa më parë të fillojë negociatat me sindikatat për të gjetur zgjidhje për kërkesat, greva do të zgjasë derisa të gjendet një zgjidhje.
Ministri i Arsimit dhe Shkencës sot tha se një pjesë e shkollave kanë filluar grevën, ndërkaq një pjesë tjetër vazhdon procesin e mësimit, ai shtoi se si MASH ende nuk e kanë numrin e saktë të shkollave që janë pjesë e grevës.
“Unë mendoj që ashtu si në këtë shkollë, në shumicën e shkollave fillore dhe të mesme në vendin tonë, në ditën e sotme një pjesë e mësimdhënësve pranojnë nxënësit, një pjesë tjetër nuk i pranojnë dhe janë të kyçur në grevë. Jemi të hapur për këtë negocim që të gjejmë edhe një zgjidhje për situatën aktuale, brenda kohës po diskutojmë edhe me Ministrinë e Financave për të gjetur zgjedhje sistemore, që në çdo rritje të pagës minimale të rriten edhe pagat tjera dhe mos të këtilla në vitet e ardhshme”, tha Jeton Shaqiri.
Dje, Ministria e Arsimit dhe Shkencës (MASH) dhe Ministria e Punës dhe Politikës Sociale (MPPS) njoftuan se mësimi nuk do të ndërpritet dhe se fëmijët do të shkojnë në shkolla dhe kopshte.
“Rregullativat juridike në këtë fushë i mbrojnë interesat e nxënësve në përputhje me ligjin për shkollat fillore dhe të mesme, punën edukativo-arsimore duhet ta realizojnë gjatë tërë vitit mësimor. Nuk guxon të ketë ndërprerje vetëm në kushte dhe rrethana të jashtëzakonshme sikurse ekzistimi i gjendjes së krizës, gjegjësisht pandemisë, zjarreve, vërshimeve, ose fatkeqësive tjera natyrore për të cilat vendos Qeveria ku e rregullon mënyrën e organizimit dhe realizimin e mësimit deri në fund të vitit shkollor”, thuhet në njoftimin e MASH.
“Në përputhje me Konventën për të Drejtat e Fëmijës, dispozitat e Kushtetutës së Republikës së Maqedonisë së Veriut dhe Ligjit për mbrojtjen e fëmijëve të Republikës së Maqedonisë së Veriut, e drejta e patjetërsueshme e fëmijëve është që t’u sigurohet kujdes dhe arsimim në institucionet parashkollore si një formë e mbrojtjes së fëmijëve. Sipas Ligjit për mbrojtjen e fëmijëve, në institucionet parashkollore për fëmijë, kryerja e veprimtarisë së përkujdesit dhe edukimit të fëmijëve parashkollorë nuk guxon të ndërpritet përveç rasteve emergjente (fatkeqësi natyrore, epidemi etj.), për të cilat vendos themeluesi, dhe paraprakisht me pëlqimin e Ministrisë së Punës dhe Politikës Sociale, por jo gjatë grevës”, njoftuan nga MPPS.
Ndryshe, SASHK ka paralajmëruar grevë të përgjithshme në arsim nga 11 prilli, pasi Qeveria nuk vendosi deri më 15 mars në lidhje me rritjen e pagës.
“Kemi një tekst të marrëveshjes kolektive të përgatitur nga grupet punuese të Ministrisë së Arsimit dhe Shkencës dhe SASHK-ut. Ajo që ne kërkojmë është harmonizimi me pagën minimale prej 18 mijë me kontrata kolektive, ajo të inkorporohet në kontratat kolektive, ku bazë për llogaritjen e pagës do të jetë paga minimale kombëtare. Duke qenë se paga minimale do të jetë 18.000 denarë, atëherë baza do të jetë 18.000 denarë, e cila do të shumëzohet me faktorin përkatës të kompleksitetit të vendit të punës. Në këtë mënyrë do të shmanget barazuesi, që po rritet gjithnjë e më shumë tash e disa vite – njerëzit me punë të ndryshme dhe kompleksitete të ndryshme të punës marrin të njëjtën pagë”, pati deklaruar para një muaji kryetari i SASHK-ut, Nedellkov.
Nëse kemi parasysh se paga minimale në vend është 18.000 denarë, numër ky që shumëzohet me koeficientin e kompleksitetit të punës, i cili për pozitën mësues në arsimin fillor është 2.503, atëherë del se paga e një mësues duhet të jetë 45.054 denarë. Për një profesor në arsimin e mesëm ky koeficient është 2.533, që do të thotë se paga e arsimtarit në arsimin e mesëm duhet të jetë 45.594 denarë. Për pozitën e pastruesit koeficienti është 1.3, që do të thotë se një pastruesit në shkollë do të merrte pagë prej 23.400 denarë.
- LEXO: Shkollat dhe kopshtet në RMV do të pranojnë fëmijë edhe pse arsimtarët janë në grevë, thonë nga MASH
- LEXO: MPPS: Kopshtet do të vazhdojnë me punë edhe gjatë grevës
- LEXO: SASHK: Mësimdhënësit do të hyjnë në grevë, drejtorët të sigurojnë kujdes për fëmijët në shkolla dhe kopshte
- LEXO: Greva në arsim dhe kopshte “mobilizon” gjyshërit në Maqedoninë e Veriut
- LEXO: Këto janë kërkesat e Sindikatës drejtuar Qeverisë së Maqedonisë së Veriut para se të fillojë greva
- LEXO: Mësimdhënësit në Maqedoninë e Veriut meritojnë rroga më të larta, jemi në bisedime me Sindikatën, vlerësoi Kovaçevski
- LEXO: RMV, SASHK-u solli vendim për grevë të përgjithshme në kopshtet e fëmijëve, shkollat e mesme dhe fillore nga 11 prilli
- LEXO: Rritja e rrogës së arsimtarëve, Qeveria e Maqedonisë së Veriut dhe Sindikata në takim u pajtuan për vazhdimin e dialogut
- LEXO: RMV, sot priten rezultatet e negociatave me SAShK-un për rritjen e pagave tjera
- LEXO: SASHK-u kërkon që paga e arsimtarëve të jetë 45 mijë denarë
- LEXO: Shaqiri: Nuk kemi përfitime nga greva, po shqyrtohen disa mundësi për rritje të pagave
- LEXO: Deri në mes të muajit mars do të ketë rritje të pagave në Maqedoninë e Veriut përmes Marrëveshjes Kolektive, besojnë nga sindikata
- LEXO: RMV, me 101 vota “për” paga minimale kaloi filtrin e parë parlamentar
- LEXO: RMV, u arrit marrëveshje për pagën minimale
- LEXO: Dimovski: Kur paga minimale të bëhet 18.000 denarë, të gjitha rrogat duhet të harmonizohen
- LEXO: Sindikata e pavarur akademike: rritja e pagës minimale një hap para, por nuk duhet të barazohet me punën e atyre që kanë nivele të ndryshme arsimore
- LEXO: RMV, Sindikata e PAOGJSHQ: Të rriten pagat gradualisht ose do të hyjmë në grevë
- LEXO: Radikalizim të masave nëse nuk do të rriten pagat në Maqedoninë e Veriut, paralajmëroi Sindikata
Komentet