Pendarovski i zhgënjyer nga prokurorja Janeva
Presidenti i Maqedonisë së Veriut, Stevo Pendarovski kërkon hetim të plotë, të shpejtë dhe efektiv të skandalit me rastin “Zhvatja”, ku një afaristi i janë marrë 1.5 milion euro për të shpëtuar nga një proces gjyqësor, e në të cilin përveç dy personave të paraburgosur dyshohet të jetë përfshirë edhe prokurorja speciale në dorëheqje, Katica Janeva.
“Përveç përgjegjësisë penale duhet të ketë edhe përgjegjësi të politikanëve, qofshin ata nga Qeveria apo opozita, nëse kanë ndonjë lidhje me çështjen, në aspektin e mbrojtjes së personave nën hetim”, deklaroi presidenti Pendaroski duke kritikuar veprimin e prokurorëve, që sipas tij kanë zgjedhur pushimet, në vend se të merren seriozisht për zbardhjen e shpejtë të rastit, shkruan REL.
Në një paraqitje të jashtëzakonshme para mediave, presidenti i Maqedonisë së Veriut, Stevo Pendaroski, tha se është i zhgënjyer nga ajo që ka dëgjuar lidhur me këtë rast duke aluduar në video-incizimet që po publikohen nga një gazetë italiane “La Verita”, ku sipas gazetës duken afaristi, Orce Kamçev duke i dorëzuar paratë tashmë dy personave të arrestuar, Bojan Jovanovski dhe Zoran Milevski, por gjithashtu dëgjohet edhe prokurorja Janeva, e cila i sqaron procedurat që do të ndiqen për mos paraburgosjen e afaristit.
Kreu i shtetit tha se e kupton gjithashtu dëshpërimin e qytetarëve nga dështimi i drejtësisë për t’u reformuar, ashtu siç ishte premtuar.
“Revolta mes qytetarëve është jashtëzakonisht e madhe dhe e justifikuar dhe si qytetar jam i zhgënjyer që pritjet e mia janë tradhtuar…Askush nuk duhet të jetë mbi ligjet në këtë vend”, u shpreh Pendarovski. Presdienti Pendarovski po ashtu tha se pavarësisht skandalit, e gjithë Prokuroria Speciale nuk duhet të njolloset për shkak të veprimit të një personi, por duhet të vazhdojë të procedojë të gjitha rastet që kanë të bëjnë me veprat penale, qofshin të Qeverisë së kaluar apo të kësaj të tanishmes. Kreu i shtetit gjithashtu u shpreh kundër kërkesës përzgjedhje të parakohshme, duke theksuar se kjo mund të pengojë procesin e integrimit evropian.
Përndryshe, në lëndën për zhvatjen të dyshuar janë dy persona, Bojan Jovanovski i njohur me nofkën “Boki 13” dhe Zoran Milevski i njohur si Zoki Kiçeec se kanë zhvatur biznesmenë nëpërmjet prokurorit publik, apo shefes së PSP-së në dorëheqje, Katica Janeva. Së fundmi gazeta italiane “La Verita” ka publikuar disa video-audio materiale, në të cilat tregohet se si Boki 13, ka marrë reket prej Orce Kamçevit në shtëpinë e tij. Skandali përfshin edhe prokuroret Janeva dhe kolegen e saj, Lile Stefanova, por të dyja i kanë refuzuar akuzat.
Gazeta italiane ka publikuar disa video dëshmi nga rasti.
- LEXO: Rasti “reket” gazeta italiane kërkon llogari edhe nga Federika Mogherini: Pse hesht? (VIDEO)
- LEXO: Janeva komentoi edhe videon e tretë të rastit “Reket” dhe pranoi se ka biseduar me të dyshuarit
- LEXO: Kryeministri Zoran Zaev: Nuk kam asnjë lidhje me Boki 13, më keqpëdroret emri
- LEXO: “Reket”, prokurorja Stefanova është thirrur si dëshmitare në prokurori
- LEXO: Incizim i ri për “Reket” – Katica për Lilen: “Nuk e mbaj rregullisht nën kontroll, përndryshe pa mua ajo s’mund asgjë të bën”
- LEXO: Rasti “Reket”, doli edhe video e tretë, Boki 13 në bisedë përmend kryeministrin Zaev (VIDEO)
- LEXO: Katica Janeva pranoi se i ka thënë Kamçevit në telefon: Mos u shqetëso, gjithçka do të jetë ok
- LEXO: U publikua video, Boki 13 duke i marrë paratë e reketit nga Orce Kamçev
- LEXO: U publikua “bomba” e dytë për rastin “Reket”, ja çfarë bisedojnë Orce Kamçev dhe Boki 13
LEXO PËR LËNDËN: REKET