Veseli është takuar me homologun e tij Talat Xhaferi

Kryetari i Kuvendit të Kosovës Kadri Veseli nëpërmjet një postimi në facebook ka bërë të ditur se është takuar me homologun e ti nga Maqedonia Talat Xhaferi, njofton Portalb.mk.

Veseli ka bërë të ditur se Maqedonia e Veriut ka dhënë kontribut të çmuar për Kosovën, duke hapur rrugët e bashkëpunimit për forcat e NATO-s të cilat nga aty janë futur në Kosovë për tu dalë në ndihmë qytetarëve.

“Në 20 vjetorin e fillimit të sulmeve ushtarake të NATO-s mbi Serbi, sot qëndrova në Maqedoninë e Veriut ku takova në Shkup homologun dhe mikun tim Talat Xhaferi. Shteti ynë fqinj ka dhënë kontribut të çmuar duke hapur rrugët e bashkëpunimit për forcat e NATO-s të cilat nga aty janë futur në Kosovë për tu dalë në ndihmë qytetarëve tanë. Po ashtu, mirënjohje për bashkëkombasit tanë në Maqedoninë e Veriut për strehimin dhe ndihmat që kanë dhënë për qytetarët e Kosovës të dëbuar dhunshëm nga forcat serbe. Ne nuk do ta harrojmë asnjëherë ndihmën e miqve tanë anembanë botës në kohën e luftës. Ju jemi mirënjohës përjetë!”, ka shkruar Veseli.