“Ekonomist”: Shqipëria e para në botë për përdorimin e kokainës

Gazeta prestigjioze britanike “Ekonomist” e rendit Shqipërinë të parën në botë për konsumimin e kokainës në raport me popullsinë.

Në reportazhin me titull “Pse kartelet po fitojnë”, citohet se lufta ndaj drogës po shkon drejt një krize të re dhe kartelet e dhunshme të drogës luftojnë për një fitim që kap shifrat e 320 miliardë dollarëve në vit. Në tërë botën llogaritet se ka 18 milionë shfrytëzues të kokainës. Shitblerja e lëndëve narkotike sot është shumë e lehtë, si asnjëherë më parë falë internetit.

“Britania, Spanja, Australia dhe Shtetet e Bashkuara të Amerikës janë shtetet që konsumojnë kokainën më së shumti. Por përqindjen më të madhe e mban Shqipëria ku 2.5 për qind e popullsisë konsumon drogë, duke mbajtur vendin e parë, kjo edhe për shkak se është një rrugë e rëndësishme e trafikut të kokainës Afgane, raporton  “Ekonomist”.

Sipas burimit të njëjtë, të cilit i referohet  agjencia shqiptare Balkanweb, prodhuesit kryesorë të kokainës janë vendet e Amerikës së Jugut. Kolumbia është në vendin e 34 në renditje për konsum, por është prodhues dhe furnizues i gjysmës së sasisë së kokainës në botë.

“Një kilogram në xhunglat e Kolumbisë shkon rreth 2200 dollarë, ndërsa në Meksikë arrin 12-16 mijë dollarë.  Në Evropë shkon 53-55 mijë dollarë 1 kg. Bandat e krimit të organizuar po kërkojnë rrugë të reja transporti, ndërsa volumin e kanë rritur më shumë se kurrë. Gjithashtu edhe linjat dhe rrugët e vjetra të kanabisit po përdoren për transport kokaine, thotë “Ekonomist”.

Lajme të ngjashme

Leave a Reply

Your email address will not be published. Required fields are marked *

Back to top button