“Forbes”: George Clooney, aktori më i paguar në botë

Aktori George Clooney, pavarësisht faktit se në vitin e fundit nuk ka xhiruar asnjë film, ndodhet në krye të listës së revistës “Forbes” për sa i përket aktorëve më të paguar në vitin 2018, transmeton Anadolu Agency (AA).

Më përfitime prej 233 milionë dollarë, të cilat i ka fituar kryesisht nga shitja e tekilas, Clooney është aktori më i paguar këtë vit. Rreth 6 milionë dollarë i ka fituar nga reklamat dhe filmat më të vjetër.

Në pozitën e dytë është Dwayne Johnson me 124 milionë dollarë dhe i treti Robert Downey Jr. me 79 milionë dollarë.

Në vendin e katërt, me fitim prej 64,5 milionë dollarë është Chris Hemsworth, i ndjekur nga Jackie Chan me përfitime prej 45,5 milionë dollarë.