Një teleskop me teknologji të veçantë do të hetojë krijimin e Rrugës së Qumështit

Teleskopi William Herschel (WHT) në La Palma, Spanjë është përmirësuar me teknologji të re që do të zbulojë se si u formua galaktika jonë në detajet më të imta ndonjëherë, transmeton BBC.

Teleskopi do të jetë në gjendje të vëzhgojë 1000 yje në orë derisa të formojë një katalog me të 5 milionët e gjetura në Rrugën e Qumështit.

Ky instrument do të analizojë strukturën e secilit yll veçmas si dhe shpejtësinë me të cilën ai udhëton, gjë që do të zbulojë se si është ndërtuar Rruga e Qumështit gjatë miliarda viteve të fundit.

Profesori Gavin Dalton i Universitetit të Oksfordit thotë se kjo është një arritje fantastike nga shumë njerëz që kanë kontribuar në funksionimin e teleskopit sot.

“Hapi tjetër është një aventurë e re dhe është e shkëlqyer”, tha profesor Dalton.

Teknologjia “Wave” është përfshirë në teleskopin William Herschel të montuar tani në një mal në ishullin spanjoll La Palma.

Teleskopi është ndërtuar nga 80,000 pjesë të ndryshme dhe konsiderohet një mrekulli e inxhinierisë.

Në çdo pjesë të qiellit drejtohet teleskopi, astronomët identifikojnë pozicionet e mijëra yjeve. Ai përbëhet nga të ashtuquajturit “gishtat robotikë” që kanë vendosur me kujdes tuba që transmetojnë dritën pikërisht në secilën prej pllakave që synon një yll specifik.

Këta tuba janë në fakt teleskopë të vegjël. Secili prej tyre kap dritën e një ylli specifik dhe më pas e lidh atë me një instrument tjetër. Drita më pas ndahet në një spektër ylberi që mban sekretet e krijimit dhe historisë së yllit.

I gjithë ky proces zgjat një orë. Ndërsa kjo po ndodh, tubat synojnë 1000 yjet e ardhshëm në anën perëndimore të pllakës, e cila kthehet për të analizuar grupin e ardhshëm të yjeve të synuar.

Weave është në gjendje të përcaktojë shpejtësinë, drejtimin, moshën dhe strukturën e çdo ylli që vëzhgon, duke krijuar një film me yje që lëvizin nëpër Rrugën e Qumështit.

Sipas profesor Dalton, me ndihmën e kësaj do të jetë e mundur të rindërtohet i gjithë formimi i Rrugës së Qumështit në detaje të paprecedentë.

“Ne do të jemi në gjendje të ndjekim galaktikat që u zhytën në Rrugën e Qumështit ndërsa ajo u formua gjatë kohës kozmike dhe të shohim se si çdo thithje e një galaktike të re ndikoi në formimin e një ylli të ri,” vuri në dukje profesor Dalton.