Ben Blushi: Edi Rama u tërhoq nga frika, radhën e ka 18 qershori

Ben Blushi ka reaguar pas vendimit të Edi Ramës për të tërhequr kandidatin e tij nga zgjedhjet e Kavajës.

Nëpërmjet Facebook, Blushi është shprehur se pas shtyrjes së zgjedhjeve në Kavaje, çdo mundësi për të shtyrë zgjedhjet e 18 Qershorit është e hapur dhe çdo mundësi për zgjedhje normale është mbyllur, shkruan Lapsi.al.

Statusi i plotë i Blushit në Facebook:

Edi Rama u tërhoq nga zgjedhjet në Kavajë.Pse mos tërhiqet edhe nga 18 qershori? Nuk ka asnjë ndryshim. Pyetja është kush ka të drejtë ta qeverisë Kavajën pa zgjedhje?Dhe kush ka të drejtë ta qeverisë Shqipërinë pa zgjedhje?Kjo ishte një tërhiqje nga frika dhe jo nga detyrimi për marrëveshje.Pas Kavajës cdo mundësi për ta shtyrë 18 qershorin është e hapur dhe cdo mundësi për zgjedhje normale është mbyllur.