Veljanoski nuk i ka dorëzuar vulat sepse ato janë te shërbimet e Kuvendit
Dorëzimi i kabinetit të kryetarit të Kuvendit nuk është e lidhur me ndonjë dorëzim të vulave, nga shkaqe të thjeshta akoma asnjë kryetar i Kuvendit nuk ka pasur vulë, por vetëm faksimile, njofton Portalb.mk.
“Kryetari nuk është arkivist që të ketë vulë”, deklaruan shkurtë nga shërbimet e Kuvendit.
Ndryshe, vulat janë të nevojshme që të mund kryetari i Kuvendit, Talat Xhaferi, të dërgojë letër zyrtare te kryetari i shtetit të Republikës së Maqedonisë, Gjorgje Ivanov, se është formuar shumica parlamentare për formimin e Qeverisë, por edhe për gjitha komunikimet tjera zyrtare.
Dorëzimi i kabinetit të kryetarit të Kuvendit të Maqedonisë ndodhi dje, ndërsa siç deklaroi Xhaferi, dorëzimi u zhvillua “normalisht”.