Zekirija Ramadani trajner i Trepçës
Strategu shkupjan Zekirija Ramadani karrierën e tij si trajner do ta vazhdojë në Super Ligën e Kosovës, pasi tani më është emëruar trajner i ri i KF Trepçës.
Lajmin është bërë publik në faqen zyrtare të skuadrës kosovare, ndërsa të njejtin më herët e ka konfirmur edhe presidenti i Trepçës, Abedin Zeka.
Ndryshe Ramadani te Trepça kalon si agjent i lirë, ndërsa më herët ka udhëhequr klubet si FC Shkupi, pastaj kaloi në kampionatin e Shqipërisë te Flamurtari i Vlorës. / Portalb.mk/
