Aurela Gace: Dorëhiqem nga ‘The Voice’, nuk dua të lëndoj talentet

“Jap dorëheqjen. Të isha pjese e jurise se ‘The Voice of Albania’ ishte aq sa bukur, aq edhe rraskapitëse”. 

Kështu e nis postimin e saj në rrjetin social, Facebook, këngëtarja Aurela Gace e cila sqaron me detaje arsyet pse largohet nga ky talent shou. Sipas Gaces, të ishe trajnere mbi të gjitha ishte lodhje psikologjike e shpirtërore dhe se formati kërkonte të trishtonte nga një person cdo javë, gjë që ajo si person po e vuante shpërtërisht.

“Unë e dua punën dhe lodhjen që sjell puna. Kam 20vjet pa u ndalur që vetëm punoj të jem e pranishme në skenë. Por, kjo lloj lodhje që ndjeva këtë rradhë, ishte komplet ndryshe nga cdo gjë që kam provuar deri me sot. Ishte lodhje psikologjike e shpirtërore. Nuk e kisha menduar aspak kur pranova ofertën. E mendova të thjeshtë. Unë punoj dhe zgjedh më të mirin ose me të mirën. Por kur je përballe faktit, uhhhh kuptova se nuk e përballoj dot të lëndoj dikë që ëndërron. ….edhe pse karriera e askujt nuk mund të ndaloje aty, unë ndjeja një peshë shumë të rëndë në kraharor gjatë gjithë kohës.

Unë e di që e dua muzikën dhe jam mësuar të dal në skenë e të bëj njerëzit të ndihen mirë. Në këtë rast unë nuk ndjeva se e bëra këtë. Lumturova vetëm një, dhe trishtova shumë konkurrentë të tjerë.

Punova shumë e me shpirt, por formati kërkonte cdo javë dikë….ndoshta edhe ata që nesër mund të bëhen shumë të dashur për ju.

Kam lindur të lumturohem me këtë që bëj, e të lumturoj sado pak ata që më duan….Nuk dua të lëndoj askënd që sapo hedh hapat e pare në skenë. E di dhimbjen e eleminimit….më kanë eleminuar edhe mua në shumë raste….e di shijen e hidhur. Prandaj po ndaj edhe me ju vendimin që kam marrë që ditën kur mbaroi konkurrimi”. (BalkanWeb)