Shkëndija e Duro pësëri barazojnë, Ejupi shkatërroi Renovën
Edhe pse Shkëndija ka dominuar lojën pothuajse gjatë 90-të minutave, në asnjë moment nuk e kishte mundësinë që seriozisht të rrezikojë portën e futbollistëve nga Manastiri, të cilët morën pikë shumë të madhe në Tetovë.
Shkëndija ka regjistruar barazimin e dytë radhazi nën drejtimin e trajnerit shqiptar, Shpëtim Duro. Skuadra kuqezi tani duhet të përqendrohet në ndeshjen e radhës, e cila do të vjen në sezonin pranveror, kur kuqezinjtë do të kenë përballë ekipin e Makedonija Gj.P.
Disa raste te Nderim Nexhipit, Muharrem Bajramit e Bunjamin Shabanit, vetëm se ka ngritur atmosferën në tirubuna, ku kishte një numër të vogël shikuesish, e që në fund kanë duartrokitur dy ekipet për lojën e treguar në një fushë shumë të vështirë për të treguar të gjitha kualitetet.
Me këtë barazim Shkëndija nuk ndryshon pozitë dhe mbetet sërish në pjesën e poshtme të tabelës, tashmë me 22 pikë në pozitën e 9-të, po aq sa ka edhe EuroMilku.
Skuadra e Renovës është mundur me rezultat të thellë nga Horizont Turnova (4:0), ndërsa i pamëshirshëm është treguar Muzafer Ejupi, i cili ka shënuar dy herë.
Turnova tani me 31 pikë, po aq sa kanë grumbulluar edhe Rabotniçki e Pelisteri, ndajën pozitën e patë dhe të tretë, ndërsa Renova vazhdon të mbetet e 6-ta me 24 pikë.
Dueli në mes Gostivarit dhe Vardarit është anuluar shkaku i borës së madhe në fushën e blertë, dhe si pasojë e kësaj kjo ndesh je pritet që të zhvillohet nesër.
Rezultatet e xhiros së 18-të
Bregalnica – Euromilk 1:1
Turnova – Renova 4:0
Metalurgu – Makedonija Gj.P 1:0
Shkëndija – Pelisteri 0:0
Gostivari – Vardari (e anuluar)