Atmosfera në stadiumin e Tetovës përmes fotove
Sezoni i rregull në Ligën e Parë të Maqedonisë ka ardhur në një ndeshje para fundit, ndërsa vetëm se sa ka filluar të bëhet më interesant, nga fakti se sot skuadra e Sileksit i ka marrë pikët e plota vardarit, ndërsa Shkëndija e Tetovës ka vazhduar marshimin drejt kreut duke fituar edhe në ndeshjen kundër Renovës, kështu duke mbet me sukses 100%.
Por ajo që është më e mirë për Shkëndijën, por dhe për Renovën, është rikthimi i tyre në stadiumin e Tetovës, ndërsa ekipet më së miri i kanë shpërblyer tifozët të cilët e kishin mbushur përplot stadiumin, duke tejkaluar shifrën e 10 mijë shikuesve. Për të shijuar atmosferën, ju sjellim në vazhdim disa foto të marra nga rrjeti facebook dhë të postuara nga disa futbolldashës të ekipit të Shkëndijës. Kjo është vetëm një paralajmërim për derbin që vjen javën e ardhshme kur në Shkup, në stadiumin arena “Filipi i Dytë” vjen dueli direkt mes Vardarit dhe Shkëndijës. / Portalb /
