Ndryshime te FC Shkupi, shkon Ramadani vjen Ganiu
Skuadra e FC Shkupi ka bërë ndryshime në stafin e trajnerëve, duke e liruar për të bërë transferin e radhës trajnerit Zekerija Ramadani i cili me shumë sukses udhëhoqi klubin në ngjitjen në Ligën e Parë.
Tani kryesimin e skuadrës së FC Shkupi e ka marrë drejtori sportiv i skuadrës, Visar Ganiu, i cili e njeh mirë ekipin dhe nuk duhet të paraqes asnjë problem për skuadrën nga Çairi.
Të përkujtojmë se trajneri Zekirija Ramadani dje kishte marrë ofertë nga skuadra e superligës së Shqipërisë, Flamurtari, ndërsa kryesia e klubit i kishte lënë duar të lira për të bërë zgjedhjen.
Skuadra e FC Shkupi ka paralajmëruar se grumbullimi i parë do të ndodhë të hënën me fillim në orën 11:00. / Portalb /