Kombëtarja niset për në Tiranë

Kombëtarja shqiptare është nisur për në Shqipëri ku do të priten në Tiranë nga tifozë të shumtë.

Mesfushori i ‘kuqezinjve’, Amir Abrashi ka postuar një foto në faqen e tij zyrtare në Facebook, para nisjes për në Tiranë.

Anëtari i skuadrës gjermane Freiburg, shihet në foto me kapitenin Lorik Canën, Shkëlzen Gashin, Ermir Lenjanin dhe Alban Mehën.

Ai ka shkruar se mezi pret të kthehen në Tiranë ku do t’i takojnë tifozët më të mirë në botë.

“U nisëm për në vendin e shenjtë Shqipëri. Tifozët më të mirë në botë, shihemi në Tiranë”, shkroi Abrashi.