Greta ishte në aksident me të dashurin: S’ishim me 200 km/h
Këngëtarja Greta Koçi, e cila u aksidentua pesë ditë më parë, ndërsa po udhëtonte me një grup të Forumit Rinor Demokrat, ishte në makinë së bashku me të dashurin e saj.
Sipas Panoramës, i dashuri i saj është student dhe aktivist i FRPD.
Ai quhet Arsen Zenelaj dhe është 22 vjeç, pra 1.5 vite më i vogël se Greta, e cila është nënkryetare e FRPD.
Në aksident, ata ishin së bashku me një djalë tjetër.
Ndërkohë vetë Greta, duke folur për Bluetooth, ka mohuar që makina e tyre ishte me 200 kilometra në orë.
Para dy ditësh, Halil Ndregjoni, i përfshirë në aksident me të rinjtë e FRPD, tha se makina e tyre po udhëtonte me 200 km/h.
“Ne ishim në korsinë tonë dhe me shpejtësi shumë normale. Ai na ka zënë rrugën. Mbaj mend që kam bërtitur dhe jam zgjuar në spital,” tregon Greta.
