Policia ndalon veturën me shtetas sirian, arrestohet Xh.B nga Studeniçani
Siç njoftojnë nga MPB, mbrëmë rreth orës 22 gjatë kontrollit të një automjeti motorik “Porshe Kajen” me targa të Shkupit i drejtuar nga Xh.B. (32) nga Studeniçani i Shkupit janë gjetur shtatë shtetas sirian të moshës 1843 vjeç. Automjetin e ka ndaluar një nëpunës policor me uniformë nga Qendra rajonale për rajonin kufitar Jugu.
Personat janë arrestuar, Xh.B. është dorëzuar në stacionin policor Negotinë për procedurë të mëtejme, ndërsa shtetasit e huaj do të vendosen në Qendrën për pranim në Shkup. Pardje, në orën 16:45 gjatë kontrollit të një automjeti motorik “mercedes vito” i drejtuar nga N.D. (37) nga fshati Koliçar komuna Gradsko janë gjetur katër shtetas sirian, të moshës 1830 vjeç. Kontrolli është bërë në aksin rrugor GjevgjeliShkup, më saktë në tunelet në Demir Kapi. Nga ana e një gjykatësi për procedurë paraprake N.D. i është shqiptuar masë arresti në kohëzgjatje prej tetë ditëve, ndërsa Qendra rajonale për rajonin kufitar “Jugu” i ka shtruar padi penale për shkak të dyshimit se ka kryer vepër penale “kontrabandimin e imigrantëve”.