Fakulteti i mjekësisë në USHT-së me hapësira të reja
Universiteti Shtetëror i Tetovës do t’i marrë në përdorim një pjesë të hapësirave të Qendrës për Shëndet Publik në qytet për nevojat e fakultetit të mjekësisë në përbërjen e tij, është konkluzioni nga takimi i sotëm i ministrit të Arsimit dhe Shkencës Abdilaqim Ademi dhe rektorit të USHT-së, Vullnet Ameti.
“Ligjerimi në këtë pjesë të Qendrës për Shëndet Publik, në pronë të Universitetit tonë, paraqet investim të paçmueshëm për fakultetin e mjekësisë, me çka rritet efikasiteti i shërbimeve për pacientët dhe do të jetë në shërbim të studentëve dhe kuadrove akademike të fakultetit. Me këto investime të cilat i kemi realizuar në fakultetin tonë, kësaj njësie akademike i mundësuam avancim dhe zhvillim normal të procesit së rregullt arsimor dhe shkencor, si në pjesën teorike, ashtu edhe në atë praktike”, tha rektori Ameti.
Ministri Ademi potencoi se lëshimi i hapësirave për nevojat e fakultetit të mjeksësisë të USHT-së është rezultat i vendimit në seancën e fundit të Qeverisë dhe me mundësinë për sendërtim të objektit ekzistues për edhe një kat, edhe më shumë do të plotësohen nevojat e profesorëve dhe studentëve nga kjo njësi akademike e USHT-së. Ai paralajmëroi se në shtator deri te Kuvendi nga ana e Ministrisë së Arsimit dhe Shkencës do të parashtrohet propozim për ndryshim të Ligjit për themelimin e USHT-së, gjë që do të mundësojë, nënvizoi formimin e tre fakulteteve të reja.
“Do të formojmë edhe tre fakultete të reja, atë bujqësor, fakultetin për gjeoshkencë dhe teknologji dhe fakultetin pedagogjik në kuadër të Universitetit në Tetovë”, tha Ademi.