Turqi, biznesmenët kërkojnë bojkot ndaj Izraelit

Dhjetëra mijëra turq u mblodhën dje në Ankara pas lutjeve të Xhumasë, për të protestuar sulmet e Izraelit në Gaza.

Turmat u mblodhën jashtë xhamisë historike Haxhi Bajrami Veli për ti bërë thirrje qeverisë turke që të ndërpres të gjitha lidhjet me Izraelin.

Demonstruesit kërkuan mbylljen e ambasadës izraelite në Ankara; dhënien fund të të gjitha lidhjeve tregtare; dhe dënimi i ndonjë shtetasi turk që i bashkohet sulmeve izraelite.

Ndërmarrësit turq thanë se do të mbështesin bojkotim të mallrave izraelite në përgjigje të sulmit të fundit ushtarak në Gaza që vrau 900 palestinezë.

Një bojkotim në gjithë botën islame mund të ndikojë në ekonominë e izraelit, thanë sipërmarrësit nga Shoqata biznesmenëve të Stambollit për Anadolu Agency.

Kreu i sipërmarrësve të Stambollit Ali Kopuz tha se muslimanët e gjithë bota duhet bojkotuar produktet me origjinë izraelite në një shkallë që mund të lënë dëmtime të përhershme në ekonominë e vendit.

“Bojkotet sistematike në vendet islamike mund të sjellin kriza të rënda financiare për Izraelin,” tha Kopuz duke shtuar një krizë e tillë do të mund të ndiqet nga falimentimi i sektorit bankar dhe financiar.

Duke treguar për rritjen e numrit të vdekjeve palestineze, ai thotë se beson se bojkotet duhet të vazhdohen në mënyrë të vendosur për të treguar mbështetje për Palestinën.

Asnjë vend nuk mund ti rezistojë bojkotit dhe protestave për kohë të gjatë në qoftë se ato janë bërë me vetëdije dhe me këmbëngulje, tha Mustafa Koca, Kryetari i Shoqatës së biznesmenëve të Anatolisë.

Ai sugjeroi se emrat e saktë të të gjitha produkteve të cilat shërbejnë në qarqet sioniste të identifikohen në mënyrë që të bojkotohen vazhdimisht.

Ndërkohë, Kryetari i Bordit të Federatës të shitësve turq Mustafa Altunbilek tha në një deklaratë të lëshuar me shkrim në autoritetet turke se ai pret një listë të qartë të kompanive izraelite, mallrat e të cilave gjenden në Turqi.

Komunat nga shumë rajone të Turqisë kanë bërë thirrje për bojkotimin e mallrave izraelite dhe i kërkojnë publikut që të mos i blejnë ato. Ata njoftuan një listë të mallrave të prodhuara në Izrael ose nga kompani të lidhura ngushtë me Izraelin nëpër postimet në media sociale.