Nga Kërçova nisen 156 ushtarë ‘Leopardë’ për në Afganistan

Një kontigjent i Armatës së Maqedonisë sot do të niset drejt Afganistanit në kuadër të misionit paqësor ISAF. 156 pjesëtarët e ARM-së do të kryejnë rotacionin e 15-të të pjesëmarrjes së Maqedonisë në kuadër të këtij misionit të NATO-s.  

Në kazerzmën ushtarake në Kërçovë organizohet një ceremony me rastin e dërgimit të këtyre ushtarëve të ARM-së, ku në ceremoni do të marrin pjesë ministri i mbrojtjes, Talat Xhaferi, zëvendës –kryeshefi i ARM-së, gjeneral major Naser Sejdini, komandanti i komandës së përbashkët operative të ARM-së, gjenerali Metodija Veliçkovski dhe përfaqësues të tjerë të ARM-së.

“Leopardët” në gjashtë muajt e ardhshëm do të jenë të angazhuar për sigurimin e komandës kryesore të forcave të ISAF-it në Kabul.