Tufegxhiq: Nuk është paraparë shkarkim i kryetarit të Këshillit

Avokati Vlladimir Tufegxhiq mbrëmë deklaroi se nuk është paraparë procedurë për shkarkimin e kryetarit të Këshillit gjyqësor, raporton MIA, transmeton Portalb.mk.

“Konfom ligjit, është e vërtetë se nuk ka dhe nuk është paraparë shkarkim i kryetarit të Këshillit, ndërsa situata faktike është se kryetari i zgjedhur nuk ka shumicë të cilën e humbi me shtatë vota. Në rrethana të tilla edhe nëse ai kryetar vazhdon të marrë pjesë në seancat e Këshillit gjyqësor, për asnjë pikë nuk do të ketë shumicën e nevojshme. Procedurë për shkarkimin e kryetarit nuk është paraparë”, ka thënë Tufegxhiq në emisionin “24 Otvoreno” në TV 24.

Avokati potencon se nëse nuk ndërmerren masa për këtë situatë në të cilën ndodhet Këshilli gjyqësor, “autoriteti i Gjykatës së Lartë do të ndikojë që të tejkalohen këto situata”.

Kujtojmë se dje dështoi edhe një tentativë tjetër për zgjedhjen e kryetarit të ri të Këshillit gjyqësor. Ndryshe nga hera e parë, këtu nuk pati asnjë tentativë për fillimin e seancës dhe as votim për ta ricaktuar atë për datë të re.

Në Këshillin Gjyqësor ka dy tabore. Disa ishin për shkarkimin e Damevës, të tjerë kundër.

Nëpër koloare po spekulohet se pasardhës i ish-kryetares do të jetë Sashko Georgiev. Por do të zgjidhet kur të arrihet marrëveshje mes anëtarëve në një mbledhje dhe më pas ta prezantojnë atë para publikut.

Shkarkimi i Damevës u prit me kritika.

Përndryshe, më 26 prill u shkarkua nga funksionini kryetarja e Këshillit Gjyqësor, Vesna Dameva. Zëvendësi i saj, Selim Ademi, i cili pas zënkave që kanë zgjatur disa orë dhe pasi Dameva refuzoi ta vendos në votim pikën e cila nuk ishte në rend dite, ai e hodhi propozimin në votim. Shtatë anëtarë e mbështetën zëvendësin, i cili e mori udhëheqjen e seancës në prani të saj.

• LEXO: Geer: Jemi të shqetësuar, në shumë raste të korrupsionit të lartë ka veprime që çojnë në vjetërsimin e lëndëve
• LEXO: RMV, dështoi edhe përpjekja e dytë e Këshillit Gjyqësor për të zgjedhur kryetarin e ri
• LEXO: Kërkimi llogari nga gjykatësi që e shpëtoi Mijallkovin është arsyeja e mundshme për kaosin në Këshillin gjyqësore, konsideron gjykatësja Vera Koco
• LEXO: Selim Ademi: “Kryelartësia femërore”, arsyeja e shkarkimit të Damevës, zihej me gratë tjera
• LEXO: Reagimet për shkarkimin e Damevës nuk po pakësohen, ndërsa besimi te drejtësia dobësohet edhe më tej