Ushtarët e RMV-së janë kthyer nga Turqia: Pritje dhe falënderime nga presidenti Pendarovski, ministrja Petrovska dhe ambasadori Sekizqok
Presidenti Stevo Pendarovski bashkë me ministren e Mbrojtjes Sllavjanka Petrovska, ambasadorin e Turqisë në Shkup, Hasan Mehmet Sekizqok dhe eprorin e Shtatmadhorisë gjeneral-nënkolonel Vasko Gjurçinovski e kanë pritur ekipin e armatës për mbrojtje dhe shpëtim i cili ka marrë pjesë në operacionin e shpëtimit në rajonin e Kahramanmarash të Turqisë, njofton Portalb.mk.
Presidenti Stevo Pendarovski i falënderoi përfaqësuesit e armatës për guximin e tyre, profesionalitetin dhe kryerjen e detyrave në kërkimin, gjetjen dhe shpëtimin e të prekurve nga tërmeti.
“Armata jonë është ndër pesë të parat që kanë arritur në vendin e ngjarjes, praktikisht 24 orë pas tërmetit”, tha Pendarovski.
Ministrja Petrovska e përshëndeti sakrificën dhe gatishmërinë e pjesëtarëve të armatës dhe i falënderoi për angazhimin e tyre.
“Ju falënderojmë që e shpëtuat Sulejmanin e vogël dhe i dhatë mundësi që të rritet në një djalë të ri të suksesshëm”, tha Petrovska.
Ambasadori i Turqisë, Sekizqok shprehu falënderim ndaj tërë shoqërisë së Maqedonisë së Veriut për reagimin e shpejtë për t’i ndihmuar popullit turk.
“Bijtë e guximshëm të Armatës së Maqedonisë, ju para ca kohësh u kthyet në vend, por sakrifica juaj dhe solidariteti i madh është gdhendur thellë në memorien e popullit turk, i cili do t’u kujtojë përjetësisht”.
Ndryshe, ekipi i Armatës për mbrojtje dhe shpëtim, i cili ka marrë pjesë në operacionin shpëtues humanitar, ishte i përbërë nga 60-të pjesëtarë dhe 2 qenë të trajnuar për kërkim.
Ndryshe, tërmeti prej 7.8 ballësh, goditi Turqinë dhe Sirinë në orët e para të mëngjesit të 6 shkurtit. Epiqendra e tërmetit ishte rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan. Numri i viktimave në të dyja shtetet është mbi 46 mijë t0δ vdekur.
- LEXO: Tetova mbledh ndihma për të prekurit nga tërmeti në Turqi dhe Siri, thirrje për angazhim masiv (Video)
- LEXO: MMPT do të hapë pikë grumbullimi për mbledhje të ndihmave për të prekurit nga tërmeti në Turqi
- LEXO: Këshilli i Komunës së Tetovës me ndihmë prej 1 milion denarësh për Turqinë dhe Sirinë (Video)
- LEXO: Zjarrfikësit e Tetovës nisen për Turqi të ndihmojnë për pasojat nga tërmeti