“Svenska Dagbladet”: Nacionalistët, ëndrra e një Shqipërie të madhe
“Svenska Dagbladet”: Nacionalistët, ëndrra e një Shqipërie të madhe
Në një analizë të “Svenska Dagbladet” të cilën e përcjellin mediat në gjuhën maqedonase, theksohet është zgjuar ëndrra e shqiptarëve për të jetuar me një shtet të përbashkët.
Në analizë theksohet fakti që Lëvizja “Vetëvendosja” ka arritur të fitojë votat e rreth 20 përqind të votuesve në Kosovë, ndërsa siç thuhet në shkrim, kohëve të fundit ndihet një rritje e theksuar e nacionalizmit edhe në Maqedoni.
“E përbuz nocionin “Shqipëria e madhe”, ne nuk kemi ndërmend të marrim tokat e fqinjëve tanë. E parapëlqej nocionin “Shqipëri Natyrale” Pse ne shqiptarët mos jetojmë së bashku, si gjermanët pas shembjes së Murit të Berlinit”, thotë Margarita Kola, anëtare e kryesisë së Aleancës Kuq e Zi.
Më tej, në shkrim thuhet se Aleanca Kuq e Zi ka kërkuar nga Komisioni Qendror i Zgjedhjeve organizimin e referendumit për bashkimin e Kosovës dhe Shqipërisë.
“Mbase do të duhej që të kishim një federatë, sipas shembullit të Zvicrës apo SHBA-së, apo një shtet ë përbashkët i cili do të administrohej ndryshe” thekson Margarita Kola, për gazetën suedeze.
Kjo gazetë ka marrë qëndrimin edhe të Radmilla Sheqerinskës, anëtare e kryesisës së ngushtë të LSDM-së.
“Gjithmonë kur ka krizë politike, aktualizohet kjo çështje. Nacionalistët nuk përmbahen së shfrytëzuari këtë ide, por dyshoj që ata të jenë realisht të interesuar për Shqipërinë e Madhe. Nëse selia e kësaj ideje do të ishte Tirana, atëherë do të zvogëlohej rëndësia e liderëve vendor shqiptarë tek ne, kështu ata do të mbesnin figura pa asnjë ndikim. Ata aktualisht janë faktorë politikë të rëndësishëm në Maqedoni, të cilët mund të ndikojnë në formimin apo rrëzimin e qeverisë, kur ata të dëshirojnë”, thekson Sheqerinska.
Në shkrim gjithashtu theksohet se kryeministri aktual i Shqipërisë, Sali Berisha ka shqetësuar shumë kë, me deklaratën tij me rastin e 100 Vjetorit të Pavarësisë, kur theksoi se qëllimi i shqiptarëve është që ta bashkojnë kombin. Ai foli për Shqipërinë , si vend të të gjithë shqiptarëve nga Preveza deri në Preshevë dhe nga Mali i Zi deri në Maqedoni, duke përfshirë gjithsesi Kosovën.