Qyteti i Shkupit vazhdon me ndërtimin e urës “Lublanska” për të cilën Arsovska tha se nuk mund të bëhet

Qyteti i Shkupit vazhdoi me ndërtimin e urës nga rruga Lubjanska në rrugën Skupi, të cilën ish-kryetari Petre Shilegov filloi ta ndërtojë gushtin e kaluar. Me ardhjen e kryetares Danela Arsovska, punimet ndërtimore u ndërprenë dhe, siç tha ajo, nuk mund të ndërtohet as ura në Lubjanska e as ura në bulevardin ASNOM, pasi në trase kishte çështje të pazgjidhura pronësore-juridike për të cilat duhen vite për t’u zgjidhur, transmeton Portalb.mk.

Nga deklarata e Arsovskës kanë kaluar 6 muaj, ndërsa tani nga kabineti i saj thuhet se janë zgjidhur të gjitha marrëdhëniet pronësore-juridike dhe është  vazhduar ndërtimi i urës përmes Vardarit.

“Janë kryer pjesa më e madhe e punëve pronësore dhe ligjore dhe kontraktori ka filluar ndërtimin. Marrëveshjen trepalëshe nënshkruar me kontraktorin, Qeverinë dhe qytetin e Shkupit e kemi aneksuar sepse nuk ka qenë në përputhje me Ligjin për ndërtim”, thonë nga Qyteti i Shkupit.

Pas fillimit të punimeve, pjesa më e madhe e bregut në këtë pjesë është mbyllur me beton. Për momentin ka mbetur vetëm një hapësirë ​​e vogël për kalimin e shtegut të biçikletave. Çiklistët kanë nisur të nënshkruajnë peticion në rrjetet sociale në të cilën kërkojnë nga autoritetet e qytetit të mos mbyllin plotësisht bregun, sepse kjo do të pengonte lëvizjen.

Ura Lublanskës filloi të ndërtohet vitin e kaluar në gusht me paratë që Qyteti i Shkupit i mori nga Qeveria nga programi TAV. Në vënien e gurthemelit u tha se do të jetë gati për 18 muaj, gjë që do të përshpejtojë dhe lehtësojë lëvizjen e trafikut në këtë pjesë të qytetit. Ura do të ketë 4 korsi, duke përfshirë korsi për këmbësorë dhe biçikleta në të dyja anët. Kushton 6 milionë euro