U gjetën dy trupa të vdekur të migrantëve përgjatë hekurudhës në Tabanocë

Policia njoftoi se dje u gjetën dy trupa të vdekur të migrantëve në afërsi të hekurudhës në fshatin Tabanocë të Kumanovës, transmeton Portalb.mk.

“Sot në 15:42 në SPB Kumanovë është raportuar se në afërsi të hekurudhës në fshatin Tabanocë të rajonit të Kumanovës janë gjetur dy trupa të migrantëve të vdekur dhe ende po kryhen kontrolle për përcaktimin e identitetit të tyre”, njoftuan nga SPB Kumanovë.

Nga atje njoftuan se një ekip i policisë së Kumanovës ka bërë inspektim të vendit të ngjarjes.