VMRO-DPMNE nesër do të kërkojë në Kuvend mocion për votëbesimin e Qeverisë së Zaevit
VMRO-DPMNE sot mbajti konferencë për media, ku kryetari Hristijan Mickoski theksoi që akoma nuk është tërhequr ndonjë nënshkrim për formimin e shumicës parlamentare, transmeton Portalb.mk.
“Zoran Zaev të plotësojë vetëm një premtim që presim që ta realizojë, edhe pse unë personalisht nuk pres. Të hënën, në ora 14:30 do të dorëzojmë nismën deri te Kuvendi”, deklaroi Mickoski, duke theksuar që pret Kryetari i Kuvendit të realizojë afatet ligjore.
Ai theksoi që prej të hënës do të shihet se kush është për rrëzimin e Qeverisë LSDM-BDI.
Kujtojmë se vendi u fut në krizë politike, pasi lideri i LSDM-së dhe kryeministri, Zoran Zaev më 31 tetor, paralajmëroi dorëheqje nga dy këto pozita, pas disfatës që partia e tij pësoi në zgjedhjet lokale. Megjithatë, Zaev tha se nuk është e nevojshme të shkohet në zgjedhje të parakohshme, pasi shumica parlamentare është stabile. Por, Lëvizja Besa ndryshoi qëndrim, pas vendimi që të përsëriten zgjedhjet në njërin prej vendvotimeve në Komunën e Zhelinës, ku ka fituar kandidati i Lëvizjes Besa. Vendimi është bërë shkak që kjo parti të shqyrtojë qëndrimin e saj në Qeveri.
- LEXO: Mickoski: Nëse Zaev nuk e dorëzon dorëheqjen do të votojmë mosbesimin e Qeverisë (VIDEO)
- LEXO: Thellohet kriza politike në RMV, Lëvizja Besa po shqyrton mundësinë që ta lëshojë Qeverinë
- LEXO: Hoxha i Besës kërcënon me rrëzimin e qeverisë pasi KShZ-ja pranoi ankesën e BDI-së për Zhelinën
- LEXO: RMV, KShZ-ja ka pranuar 23 ankesa për raundin e dytë të zgjedhjeve lokale
- LEXO: RMV, KShZ-ja ka pranuar 13 ankesa për parregullsi zgjedhore
- LEXO: LEXO: RMV, u mbajt rrethi i dytë i zgjedhjeve lokale 2021, gjithçka që ndodhi
- LEXO: Harta me fituesit e zgjedhjeve lokale në RMV (Infografik)