Filipçe: Vaksina kundër Kovid-19 do të shpërndahet njëkohësisht në të gjitha vendet
Venko Filipçe, ministri i shëndetësisë në Maqedoninë e Veriut njoftoi se ka dorëzuar Propozim-programin për ndryshmin dhe plotësimin e Programit për imunizim, duke vlerësuar se me këtë do të jemi më afër vaksinës kundër Kovid-19, transmeton Portalb.mk.
“Vaksina në vend do të arrijë në përputhje me planin për shpërndarje të përcaktuar nga Kovaks, derisa dërgesa do të jetë njëkohësisht në 127-të vendet, si dhe në vendet e rajonit Mal të Zi, Shqipëri, Kosovë, Bosnjë e Hercegovinë dhe një pjesë të Serbisë. Dërgesa e parë pritet të jetë në muajt e parë të vitit 2021”, deklaroi Filipçe.
Ai sqaroi se janë porositur 830 mijë vaksina të parapara për vaksinimin e rreth 400 mijë qytetarëve.
“Vaksina kovid do të jetë falas për gjithë qytetarët dhe nuk do të jetë e detyrueshme. Me fillimin e vaksinimit nuk do të ulet menjëherë rreziku nga Kovid-19”, deklaroi Filipçe, duke sqaruar se prioritet për vaksinim do të kenë punonjësit mjekësor që kanë punuar me Kovid, grupet e rrezikuara të qytetarëve, por nuk do të jetë e detyrueshme.
Ndryshe, Drejtori i Organizatës Botërore të Shëndetësisë, Tedros Adhanom Ghebreyesus, u shpreh i gatshëm të vaksinohet publikisht për krijuar besimin e publikut.
Moska ka nisur shpërndarjen e vaksinës Sputnik V në 70 klinika në mbarë qytetin, thanë autoritetet, duke bërë kështu imunizimin e parë masiv që Rusia kryen kundër sëmundjes COVID-19, që e shkakton koronavirusi.
- LEXO: Moska ka filluar vaksinimin masiv kundër Kovid-19
- LEXO: Britani e Madhe: Javën e ardhshme mund të fillojë vaksinimi kundër COVID-19
- LEXO: Shefi i OBSH-së thotë se do të marrë publikisht vaksinën kundër COVID-19
- LEXO: Ish-presidentët Obama, Bush dhe Klinton do ta marrin vaksinën kundër Kovid-19 para kamerave t’ju dëshmojnë njerëzve se është e sigurt
- LEXO: RMV-ja ka siguruar 400 mijë vaksina kundër Kovid-19, kanë kushtuar 6,7 milion euro
- LEXO: Filipçe: Përgatitemi për vaksinimin kundër Kovid-19, ja kush do të vaksinohet në fillim
