Shilegov do të kërkojë objekt prej 11-të milionë euro në qendër të Shkupit për Shtëpi të Qytetit

Në vendimin për të blerë Shtëpi të qytetit thuhet se objekti do të blihet duke mbledhur oferta e për këtë do të bëhet shpallje publik për blerje të patundshmërive. Në vendim nuk është përcaktuar se kur do të publikohet shpallja, raporton SDK, përcjell Portalb.mk. Sot u votua edhe rebalanci i Buxhetit të Qytetit të Shkupit për vitin 2020, me ndihmën e 23 votave “për”, derisa 10 vota ishin “kundër” dhe një “i përmbajtur”.

Qyteti i Shkupit do të bëjë shpallje publike për blerjen e Shtëpisë së Qytetit. Sipas vendimit që u propozua sot për miratim nga Këshilli i Qytetit të Shkupit, vlera totale e pasurive të paluajtshme duhet të jetë deri në 11 milion euro përfshirë TVSH-në. Objekti duhet të jetë në zonën e qendrës së qytetit, pra në Unazën e Vogël. Hapësira administrative për punonjësit duhet të ketë një sipërfaqe prej 4.000 deri në 9.000 metra katrorë. Të ketë qasje për njerëzit dhe automjetet, hapësirë ​​parkimi me një sipërfaqe prej afërsisht 20 deri në 70 hapësira parkimi, infrastrukturë të siguruar, kushte teknike dhe sanitare, ashensor, listë pasurie ose fletë para-regjistrimi.

Në vendim thuhet se objekti do të blihet duke mbledhur oferta në bazë të shpalljes publike për blerjen e pasurive të patundshme. Në vendim nuk është përcaktuar se kur të publikohet shpallja.

“Me dekada, Këshilli i Qytetit të Shkupit, Kryetari i Qytetit dhe administrata e qytetit janë vendosur në një ndërtesë që nuk plotëson as nga afër nevojat themelore të qytetarëve ose organeve të qytetit dhe administratës së qytetit. Me miratimin e vendimit të propozuar dhe zbatimin e procedurës, do të blihet një objekt i cili do të zgjidhë përgjithmonë çështjen e akomodimit të Këshillit të Qytetit, Kryetarit të Shkupit dhe administratës së qytetit si dhe do të sigurojë kushte më të mira për funksionimin e mëtejshëm të tij, thuhet në shpjegimin e kryetarit Petre Shilegov.

Fondet janë siguruar në buxhetin e Qytetit të Shkupit dhe propozohet që të paguhen deri më maksimum 24 këste të barabarta.

Nëntorin e kaluar, Kryetari i Komunës Petre Shilegov shiti Shtëpinë e Qytetit në rreth lumit Vardar nën Kala tek ndërmarrja austriake EVN për 12.7 milionë euro. Vendimin për të shitur ndërtesën që paraardhësi i tij Koce Trajanovski filloi të ndërtonte ishte se ajo është e vendosur në një vend të papërshtatshëm dhe nuk do të mbledhë të gjithë punonjësit në Qytet.

Ndryshe, Petre Shilegov, kryetari i Qytetit të Shkupit vitin e kaluar informoi se me vendimin e Këshillit të Qytetit është nxjerrë në shitje Shtëpia e qytetit barok afër lumit Vardar, objekt që ishte planifikuar për administratën e Qytetit të Shkupit. Ai kishte vlerësuar se janë bërë përpjekje për ta vënë në funksion objektin, por pas gjithë analizave për kapacitetin e objektit u konkludua se vetëm tre të pestat e numrit të përgjithshëm të të punësuarve mund të akomodohen aty, pra vetëm 352 të punësuar.