Sonte në Çarshinë e Shkupit luhet “Zgjimi i Pranverës” nga Teatri Kombëtar i Kosovës
Festivali Ndërkombëtar i Teatrit “Skupi Festival” sonte në kuadër të edicionit të 14-të do të vazhdojë aktivitetet në hapësirat e Kurshumli Han-it në Çarshinë e Shkupit, ku planifikohet prej ora 20:00 të shfaqet “Zgjimi i Pranverës”, transmeton Portalb.mk.
“Sonte (20 shtator) vazhdojmë me “Zgjimi i Pranverës” nga Frank Wedekind, në regji të Zana Hoxhës, vënë në skenë nga Teatri Kombëtar i Kosovës si dhe Artpolis-Qendra për Art dhe Komunitet nga Prishtina”, njoftojnë nga FNT Shkup.
FNT “Skupi Festival” sqaroi se ‘Zgјimi i Pranverës’ ështe thirrje artistike për Kosovën e viteve të 90-ta, ku shfaqet historia që i ka përcjellë të rinjtë tanë në vitet 90-ta, kohë protestash e rezistence, kohë kur liria kolektive dhe personale ishte kufizuar nga regjimi politik i Millosheviqit dhe patriarkati mirëpo sоlidariteti mbante gjallë frymën e rezistencës kolektive.
Dje teatri i luftës Sarajevë nga Bosnjë dhe Hercegovina e shfaqi “E gjithë dashuria ime” e autorit Laurent Mauvignier .
