Gjashtë futbollistë të kampionatit anglez rezultojnë pozitivë

Në Angli ka nisur grumbullimi i skuadrave për të filluar stërvitjen dhe për të qenë gati për të vijuar ndeshjet e kampionatit, aty ku u ndërprenë në muajin mars, për të përmbyllur me sukses sezoni 2019-2020.

Të gjithë futbollistët u janë nënshtruar tamponëve, për të parë nëse janë apo jo pozitivë ndaj koronavirusit, ndërsa mediat angleze raportojnë se 6 lojtarë kanë rezultuar të infektuar nga Covid-19, vetëm nga testet e kryera të dielën dhe të hënën, transmeton SS.

Bëhet fjalë për futbollistë nga tre klube të ndryshme, emrat e të cilëve nuk janë bërë të ditur, por vetë ata janë futur në izolim menjëherë dhe do të qëndrojnë të karantinuar për të paktën 7 ditë, me shpresën që më pas të rezultojnë negativ.