Saussuolo befasoi Juventusin dhe Milanin
Edicioni 2013 i Tim Cup, befasisht për të gjithë i takoi skuadrës së sapo inkuadruar në elitën e futbollit italian, Sassuolo që drejtohet nga ish legjenda e Romës, Eusebio Di Franscesco.
Në fakt, kjo skuadër kishte humbur me penallti nga Juventusi, por shënoi fitore ndaj Milanit me rezultat 2:1, për ta fituar për herë të parë këtë trofe në të cilin nuk u paraqit skuadra e tretë më e madhe italiane, Inter.
Ky edicion u hap me ndeshjen e rivalëve më të mëdhenj në Serie A, Milan dhe Juventus që përfundoj pa gola, edhe pse penalltinë e Robinhos gjatë kohës së rregullt e ndali portieri Marco Storari.
“Rosonerët” fituan me anë të penalltive 7:6, mirëpo humbën në finale nga Sassuolo, që shikuar mënyrën se si u paraqit në këtë turne (triangolo- nga 45 minuta secila ndeshje), atëherë mund të thuhet se bëhet fjalë për një skuadër mjaftë serioze me lojtarë shumë të ri por të talentuar.