Trump, konferencë me emblemë presidenciale të hakuar me simbole ruse
Presidenti amerikan, Donald Trump, po jepte një fjalim përpara rinisë konservatore në Uashington DC, kur në ekranin pas tij u shfaq një sfond me logon presidenciale të hakuar me simbole ruse.
Logoja që u shfaq ishte modifikuar në mënyrë të tillë që në vend të shqiponjës amerikane të shfaqej shqiponja e logos perandorake ruse, transmeton Top Channel.
Kthetrat po ashtu ishin manipuluar, dhe në njërën ishin vendosur parà, në tjetrën shkopinj golfi. Në vend të motos së SHBA-ve në latinisht “e pluribus unum” ishte shkruar në spanjisht “45 është kukull”.
Një përfaqësues nga organizatorët e tubimit thanë se nuk e kishin idenë se si ishte bërë e mundur shfaqja e emblemës së hakuar.