Rama: 2019, viti i uljes së taksave, mbështesim shkollat profesionale

Mijëra biznese shqiptare sipas kryeministrit Rama do të fitojnë më shumë këtë vit.

Ndryshimet pozitive vijnë pas ndryshimeve fiskale që hynë në fuqi nga data 1 janar, transmeton Vizion Plus.

Gjatë vizitës në një biznes privat, shefi i qeverisë foli për ulje të taksave, duke iu dhënë mundësi bizneseve të kenë një xhiro vjetore më të lartë.

Sipërmarrësit vijojnë të kenë probleme me mungesën e profesionistëve. Për këtë arsye kreu i qeverisë siguroi se do të rritet numri i studentëve që do të ndjekin shkollat profesionale.

Në paketën e re fiskale të miratuar fundvitin e kaluar, qeveria ndërmori disa masa që sipas Ramës do t’i japin më shumë frymëmarrje biznesit në të gjitha kategoritë e tij.