VAR në Ligën e Kampionëve nga e teta e finales

Teknologjia VAR në Ligën e Kampionëve do të zbatohet në ndeshjet nga e teta e finales në sezonin aktual, njoftoi sot Federata Evropiane e Futbollit (UEFA), raporton Anadolu Agency (AA).

Edhe pse UEFA më parë tha se VAR në Ligën e Kampionëve do të zbatohet sezonin e ardhshëm, ndryshuan vendimin për shkak të disa gabimeve të referëve gjatë fazës së grupeve këtë sezon.

Kështu, teknologjia VAR në ndeshjet e Ligës së Kampionëve do të zbatohet nga shkurti i vitit të ardhshëm, kur do të luhen ndeshjet e të tetës së finales.