Zyrtare: Berlusconi bleu klubin italian Monza
Monza ka njoftuar se ish-pronari i Milanit, Silvio Berluskoni, ka përfunduar me sukses blerjen dhe marrjen në pronësi të klubit nga Serie C.
Blerja e Berluskonit vjen një ditë para 82-vjetorit të lindjes së tij, transmeton Telegrafi.
Kjo blerje shënon fundin e javëve të tëra të spekulimeve në lidhje me këtë sagë.
“Fininvest SpA ka finalizuar sot blerjen e 100 për qind të klubit SS Monza 1912, thuhet fillimisht në njoftimin e klubit italian.
“Mbledhja e aksionarëve gjithashtu miratoi emërimin e një Bordi të Drejtorëve të ri, të përbërë nga Nicola Colombo (Presidenti), Paolo Berlusconi, Adriano Galliani, Roberto Mazzo dhe Danilo Pellegrino”.
Detaje tjera financiare nuk janë publikuar ende dhe pritet të bëhen më vonë gjatë ditës.
