Dhëndrri i Trampit ka propozuar “komunikim sekret” me Moskën përmes pajisjes së diplomatëve rusë
Dhëndri i presidentit amerikan Donald Tramp, dhe këshilltar në Shtëpinë e Bardhë, Xhared Kushner u përpoq të krijonte komunikime sekrete me Moskën një muaj pas zgjedhjes së Trampit.
Mediat amerikane shkruajne se Kushner ka dashur të përdorë pajisjet ruse për të shmangur përgjimin e SHBA-ve, për bisedat me Moskën, shkruajnë Uashington Post dhe Nju-Jork Tajms.
Vetë Kushner, këshilltar në Shtëpinë e Bardhë, nuk ka komentuar këtë. Thuhet se ai është në hetim nga FBI si pjesë e ndërhyrjes ruse në favorizimin e Tramp për të fituar.
Raportimet në SHBA thonë se hetuesit besojnë se Kushner ka informacione relevante, por jo i dyshuar për një krim. Shkrimet e fundit, ku citohen burime nga zyrtare amerikane, thonë se Kushner ka folur me ambasadorin e Moskës në SHBA, Sergei Kisjlak, për të ngritur një barrierë duke përdorur pajisjet ruse në Amerikë. Kjo mund të përdoret kur diskutohet për Sirinë apo çështje të tjera të politikave.